म. टा. विशेष प्रतिनिधी, नागपूर
राष्ट्रसंत तुकडोजी महाराज नागपूर विद्यापीठाने निर्धारित वेळापत्रकानुसार मंगळवारपासून हिवाळी परीक्षा सुरू केल्या आहेत. चार टप्प्यांत एकूण १०७८ कोर्सेसची परीक्षा होणार असून त्यात तीन लाख ७५ हजार विद्यार्थी सहभागी होणार आहेत.
मंगळवारपासून बी.कॉम, एम.ए, बी.ए, बीएसस्, एमएससी आणि बी.ई यासारख्या प्रमुख परीक्षा सुरू झाल्या आहेत. या परीक्षांकरिता ऑनलाइन प्रश्नपत्रिका पाठवण्यात आल्या होत्या. कोणत्याही केंद्रावर गोंधळ न होता सुरळीत परीक्षा सुरू झाल्या असल्याची माहिती परीक्षा विभागाने दिली. यावर्षी दोन सत्रात परीक्षा होणार आहेत. त्यात सकाळी ९.३० ते १२.३० आणि दुपारी दोन ते पाच अशा दोन सत्रांचा समावेश आहे. कमीत कमी दिवसांमध्ये परीक्षा पूर्ण करण्याचा प्रयत्न केला आहे. त्यामुळेच एक दिवसाआड पेपर घेण्यात येत आहे.
हिवाळी परीक्षा चार टप्प्यांत होणार आहे. पहिल्या टप्प्यात २७९ परीक्षा घेण्यात येणार आहे. दुसरा टप्पा १० ऑक्टोबरपासून सुरू होणार आहे. त्यात १५७ परीक्षा होतील, तर २४ ऑक्टोबरपासून तिसरा टप्प्या होणार असून त्यात १५२ परीक्षा आणि १४ नोव्हेंबरपासून होणाऱ्या चौथ्या टप्प्यात ४३७ परीक्षा घेण्यात येणार आहेत.
राष्ट्रसंत तुकडोजी महाराज नागपूर विद्यापीठाने निर्धारित वेळापत्रकानुसार मंगळवारपासून हिवाळी परीक्षा सुरू केल्या आहेत. चार टप्प्यांत एकूण १०७८ कोर्सेसची परीक्षा होणार असून त्यात तीन लाख ७५ हजार विद्यार्थी सहभागी होणार आहेत.
मंगळवारपासून बी.कॉम, एम.ए, बी.ए, बीएसस्, एमएससी आणि बी.ई यासारख्या प्रमुख परीक्षा सुरू झाल्या आहेत. या परीक्षांकरिता ऑनलाइन प्रश्नपत्रिका पाठवण्यात आल्या होत्या. कोणत्याही केंद्रावर गोंधळ न होता सुरळीत परीक्षा सुरू झाल्या असल्याची माहिती परीक्षा विभागाने दिली. यावर्षी दोन सत्रात परीक्षा होणार आहेत. त्यात सकाळी ९.३० ते १२.३० आणि दुपारी दोन ते पाच अशा दोन सत्रांचा समावेश आहे. कमीत कमी दिवसांमध्ये परीक्षा पूर्ण करण्याचा प्रयत्न केला आहे. त्यामुळेच एक दिवसाआड पेपर घेण्यात येत आहे.
हिवाळी परीक्षा चार टप्प्यांत होणार आहे. पहिल्या टप्प्यात २७९ परीक्षा घेण्यात येणार आहे. दुसरा टप्पा १० ऑक्टोबरपासून सुरू होणार आहे. त्यात १५७ परीक्षा होतील, तर २४ ऑक्टोबरपासून तिसरा टप्प्या होणार असून त्यात १५२ परीक्षा आणि १४ नोव्हेंबरपासून होणाऱ्या चौथ्या टप्प्यात ४३७ परीक्षा घेण्यात येणार आहेत.