चंद्रपूर: रेतीघाटावरून रेतीची वाहतूक करीत असताना महिनाभर कारवाई न करण्यासाठी १५ हजार रुपयांची लाच स्वीकारताना ब्रह्मपुरी तहसील कार्यालयातील नायब तहसिलदाराला रंगेहात अटक करण्यात आली. ही कारवाई बुधवारी करण्यात आली. संजय भगवान राठोड (वय ३३), असे लाच घेताना अटक करण्यात आलेल्या नायब तहसिलदाराचे नाव आहे. तक्रारदार हे ब्रह्मपुरी येथील रहीवासी असून त्यांच्याकडील ट्रॅक्टरने ते घाटावरून रेतीची वाहतूक करीत असतात. नायब तहसिलदार राठोड याने तक्रारदाराचे ट्रॅक्टर अडवून रेतीची वाहतूक करताना महिनाभर कोणतीही कारवाई न करण्यासाठी १७ हजार रुपये लाचेची मागणी केली होती. तडजोडीअंती १५ हजार रुपयांची लाच स्वीकारताना राठोड याला गडचिरोली येथील लाचलुचपत प्रतिबंधक विभागाच्या पथकाने अटक केली. राठोडविरुद्ध ब्रह्मपुरी पोलिसांत गुन्हा दाखल करण्यात आला आहे.
१५ हजाराची लाच घेताना नायब तहसिलदाराला अटक
रेतीघाटावरून रेतीची वाहतूक करीत असताना महिनाभर कारवाई न करण्यासाठी १५ हजार रुपयांची लाच स्वीकारताना ब्रह्मपुरी तहसील कार्यालयातील नायब तहसिलदाराला रंगेहात अटक करण्यात आली.
Maharashtra Times 22 Feb 2018, 2:00 pm