म. टा. प्रतिनिधी, नागपूर
राज्याच्या उपराजधानीचे शहर असलेल्या नागपुरात एअरोस्पेस, डिफेन्स हब व्हावे, यासाठी वेळोवेळी प्रयत्न झाले आहेत. याचअंतर्गत आता महाराष्ट्र औद्योगिक विकास महामंडळ (एमआयडीसी) आणि विदर्भ डिफेन्स इंडस्ट्रिज असोसिएशन (व्हीडीआयए) यांच्या संयुक्त विद्यमाने एकदिवसीय परिषदेचे आयोजन करण्यात आले आहे.
नागपूरची भौगोलिक स्थिती पाहता येथे एअरोस्पेस आणि डिफेन्सशी संबंधित उद्योगांना चांगली संधी आहे. येथे एअरोस्पेस आणि डिफेन्स हब निर्माण व्हावे, क्लस्टरच्या माध्यमातून मोठे उद्योग समूह नागपुरात यावे, यासाठी व्हीडीआयए कायम आग्रही राहिले आहे. या पार्श्वभूमीवर बुधवार, २ मार्चला एकदिवसीय परिषद आयोजित करण्यात आली आहे. यामध्ये एमआयडीसीचे सहमुख्य कार्यकारी अधिकारी आणि त्यांची चमू मिहानचा दौरा करतील. यामध्ये एअर इंडिया एमआरओ, इंदमार, डसॉल्ट एव्हिएशन, टीएएसएल, टीडीआरएल या प्रकल्पांना भेट देण्यात येईल. त्यानंतर उद्योजक आणि अधिकाऱ्यांचे चर्चासत्र होईल. यादरम्यान 'मेक वुइथ महाराष्ट्र इन एअरोस्पेस अॅण्ड डिफेन्स' हा कार्यक्रम होईल. तसेच एमआयडीसी आणि व्हीडीआयए यांच्यामध्ये सामंजस्य करार होणार आहे, अशी माहिती व्हीडीआयएचे संचालक आणि समन्वयक दुष्यंत देशपांडे यांनी दिली.
विदर्भात मोठ्या संधी
आगामी काळात संरक्षण क्षेत्रात उद्योगासाठी मोठी संधी आहे. या क्षेत्रात नावीन्यपूर्णतेसोबतच रोजगाराची नवी दालने युवकांसाठी खुली होत आहेत. मुख्य म्हणजे संरक्षण आणि एरोस्पेस उद्योग क्षेत्र वाढण्यासाठी विदर्भात मोठ्या संधी आहेत. त्यादृष्टीने या एकदिवसीय परिषदेत चर्चा होणार आहे. महाराष्ट्र विमानतळ विकास कंपनीचे उपाध्यक्ष आणि व्यवस्थापकीय संचालक दीपक कपूर, एमआयडीसीचे मुख्य कार्यकारी अधिकारी डॉ. पी. अनबलगन, मिहान सेझचे विकास आयुक्त डॉ. व्ही. श्रमन, एमआयडीसीचे सहमुख्य कार्यकारी अधिकारी एएसआर नाईक यांच्यासह शहरातील विविध उद्योजक संस्थांचे प्रतिनिधी सहभागी होणार आहेत.
राज्याच्या उपराजधानीचे शहर असलेल्या नागपुरात एअरोस्पेस, डिफेन्स हब व्हावे, यासाठी वेळोवेळी प्रयत्न झाले आहेत. याचअंतर्गत आता महाराष्ट्र औद्योगिक विकास महामंडळ (एमआयडीसी) आणि विदर्भ डिफेन्स इंडस्ट्रिज असोसिएशन (व्हीडीआयए) यांच्या संयुक्त विद्यमाने एकदिवसीय परिषदेचे आयोजन करण्यात आले आहे.
नागपूरची भौगोलिक स्थिती पाहता येथे एअरोस्पेस आणि डिफेन्सशी संबंधित उद्योगांना चांगली संधी आहे. येथे एअरोस्पेस आणि डिफेन्स हब निर्माण व्हावे, क्लस्टरच्या माध्यमातून मोठे उद्योग समूह नागपुरात यावे, यासाठी व्हीडीआयए कायम आग्रही राहिले आहे. या पार्श्वभूमीवर बुधवार, २ मार्चला एकदिवसीय परिषद आयोजित करण्यात आली आहे. यामध्ये एमआयडीसीचे सहमुख्य कार्यकारी अधिकारी आणि त्यांची चमू मिहानचा दौरा करतील. यामध्ये एअर इंडिया एमआरओ, इंदमार, डसॉल्ट एव्हिएशन, टीएएसएल, टीडीआरएल या प्रकल्पांना भेट देण्यात येईल. त्यानंतर उद्योजक आणि अधिकाऱ्यांचे चर्चासत्र होईल. यादरम्यान 'मेक वुइथ महाराष्ट्र इन एअरोस्पेस अॅण्ड डिफेन्स' हा कार्यक्रम होईल. तसेच एमआयडीसी आणि व्हीडीआयए यांच्यामध्ये सामंजस्य करार होणार आहे, अशी माहिती व्हीडीआयएचे संचालक आणि समन्वयक दुष्यंत देशपांडे यांनी दिली.
विदर्भात मोठ्या संधी
आगामी काळात संरक्षण क्षेत्रात उद्योगासाठी मोठी संधी आहे. या क्षेत्रात नावीन्यपूर्णतेसोबतच रोजगाराची नवी दालने युवकांसाठी खुली होत आहेत. मुख्य म्हणजे संरक्षण आणि एरोस्पेस उद्योग क्षेत्र वाढण्यासाठी विदर्भात मोठ्या संधी आहेत. त्यादृष्टीने या एकदिवसीय परिषदेत चर्चा होणार आहे. महाराष्ट्र विमानतळ विकास कंपनीचे उपाध्यक्ष आणि व्यवस्थापकीय संचालक दीपक कपूर, एमआयडीसीचे मुख्य कार्यकारी अधिकारी डॉ. पी. अनबलगन, मिहान सेझचे विकास आयुक्त डॉ. व्ही. श्रमन, एमआयडीसीचे सहमुख्य कार्यकारी अधिकारी एएसआर नाईक यांच्यासह शहरातील विविध उद्योजक संस्थांचे प्रतिनिधी सहभागी होणार आहेत.