'नॅशनल असोसिएशन ऑफ रिप्रोडक्टिव्ह अँड चाइल्ड हेल्थ' (नार्ची) आणि एनकेपी साळवे इन्स्टिट्युट ऑफ मेडिकल सायन्सेसच्यावतीने सेंटर पॉइंट हॉटेल येथे आयोजित १४ व्या जागतिक कॉँग्रेस परिषदेत नर्सिंगचे वैद्यकसेवेतले महत्त्व यावर विशेष कार्यशाळा घेण्यात आली. परिचारिका या डॉक्टरांपेक्षा अधिक सेवाभावाने काम करतात. त्यामुळे आजारातून बाहेर पडण्यासाठी रुग्णाला मानसिक आधार मिळतो, असा सूर यावेळी व्यक्त करण्यात आला. मिस इंडिया आलिशा यादव यांच्या हस्ते परिषदेचे औपचारिक उद्घाटन झाले. वैज्ञानिक समितीत बालरोग संघटनेचे अध्यक्ष डॉ. निशिकांत कोतवाल, आयोजन सचिव डॉ. प्रगती खळतकर, डॉ. वसंत खळतकर, डॉ. शुभदा खिरवडकर, डॉ. वंदना मेढेकर, डॉ. अविनाश गावंडे, डॉ. संदीप गोल्हर, डॉ. रसिका वैद्य, डॉ. निशिकांत दहीवाले, डॉ. जितेंद्र हजारे, डॉ. सुदेश जोशी, डॉ. संदीप यादव, डॉ. महेश तुराळे, डॉ. प्रवीण लाड, डॉ. प्रदीप जैस्वाल, डॉ. रवी भेलोंडे उपस्थित होते. सोबतच यावेळी परिचारिकांसाठी संवाद कौशल्य, समय व्यवस्थापन, शिष्टाचार आणि ड्रेसिंग, ऑटोक्लेव्ह प्रीपरेशन, ऑपरेशन थिएटर आणि त्यानंतरची तयारी, लहान बाळाचे पहिल्या आठवड्यातील समस्या याविषयी प्रशिक्षण घेण्यात आले.
.....