म.टा. प्रतिनिधी, नागपूर
वायदा बाजारात दामदुप्पटचे आमिष दाखवून १५ हजारांपेक्षा अधिक गुंतवणूकदारांची तब्बल ७० कोटी रुपयांनी फसवणूक करणारा मेट्रोव्हिजन बिल्डकॉम कंपनीचा संचालक विजय रामदास गुरनुले (वय ३९, रा. महाजनवाडी, हिंगणा) याला प्रतापनगर पोलिसांनी अटक केली. गुरनुलेशिवाय या फसवणूक प्रकरणातील अन्य सूत्रधार देवेंद्र भीमराव गजभिये (वय ३४, रा. तोरगाव खुर्द ता. ब्रह्मपुरी) यालाही अटक करण्यात आली.
या फसवणूक प्रकरणात पोलिसांनी आतापर्यंत दहाजणांना अटक केली आहे. ज्ञानेश्वर बावने, जीवनदास आनंदराव दंडारे, रमेश सूरजलाल बिसेन, अतुल युवराज मेश्राम, अविनाश महादेवराव महाडोले, राजू नागोराव मोहुर्ले, श्रीकांत केशव निकुरे व अन्य अशी अटकेतील अन्य आरोपींची नावे आहेत. ही माहिती अतिरिक्त पोलिस आयुक्त नवीनचंद्र रेड्डी, दिलीप झळके यांच्या उपस्थितीत पोलिस उपायुक्त नुरूल हसन यांनी गुरुवारी पत्रपरिषदेत दिली. गजभिये व गुरनुले या दोघांनी २०१५ मध्ये मेट्रोव्हिजन बिल्डकॉन नावाची कंपनी स्थापन केली. कंपनीतील योजनेत गुंतवणूक केल्यास मोठा मोबदला देण्याचे आमिष दाखविले. गुंतवणूकदारांचा विश्वास बसावा यासाठी दोघांनी कारंजा घाडगेत दहा एकर शेतीवर पाडलेल्या प्लॉटची नोटरी गुंतवणूकदारांच्या नावे करून दिली. सुरुवातीला गुरनुले व गजभिये या दोघांनी नियमितपणे गुंतवणूकदरांना मोबदला व व्याज दिले. गुंतवणूकदारांनी नातेवाइकांनाही या कंपनीत गुंतवणूक करायला लावली. यानंतर गुरनुलेने नवीन योजना सादर केली. हिरे, सोने व औषध कंपनीचे आमिष दाखवून गुंतवणूकदारांकडून पैसे घेतले. याशिवाय, बिट क्वॉइनमध्येही गुंतवणुकीचे आमिष दाखविले. अशाप्रकारे १५ हजारांपेक्षा अधिक गुंतवणूकदारांनी गुरनुलेच्या कंपनीत ७० कोटी रुपयांची गुंतवणूक केली. काही दिवसांपूर्वी गुरनुले याने गुंतवणूकदारांना पैसे देणे बंद केले. गुंतवणूकदार गणेश चाफले (वय ३९,रा.साईनगर) यांनी अतिरिक्त पोलिस आयुक्त नवीनचंद्र रेड्डी यांच्याकडे तक्रार केली. रेड्डी यांनी पोलिस उपायुक्त नुरूल हसन यांना प्रकरणाच्या चौकशीचे निर्देश दिले. हसन यांच्या नेतृत्वात प्रतापनगर पोलिस स्टेशनचे वरिष्ठ पोलिस निरीक्षक भीमराव खणदाळे, उपनिरीक्षक एस. जे. केंद्रे, व्ही. वाय. नांदगाये, सहाय्यक उपनिरीक्षक अनिल ब्राह्मणकर, हेडकॉन्स्टेबल मनोज नागमोते, शिपाई मनोज निमजे, स्वप्नील करंड, अतुल तलमले, मिलिंद मेश्राम व अश्विन चौधरी यांनी प्रकरणाचा तपास करून ठगबाजांना अटक केली.
२५ किलोमीटर पाठलाग करून पकडले
चाफले यांच्या तक्रारीवरून प्रतापनगर पोलिसांनी गुरनुले, गजभियेसह दहा जणांविरुद्ध फसवणुकीचा गुन्हा दाखल केला. गुन्हा दाखल झाल्याचे कळताच गुरनुले नागपुरातून पसार झाला. उपायुक्त हसन यांच्या मार्गदर्शनाखाली निरीक्षक खणदाळे, उपनिरीक्षक केंद्रे व त्यांच्या सहकाऱ्यांना मोबाइल लोकेशनद्वारे गुरनुलेचा शोध सुरू केला. गुरनुले आधी अमरावती, नंतर वाशीम, बुलडाणा येथे गेला. तो बुलडाण्यात असल्याचे कळताच प्रतापनगर पोलिसांचे पथक तेथे पोहोचले. तोपर्यंत तो कारने शेगाव येथे आला. पोलिस त्याच्या मागावरच होते. शेगावमध्ये तब्बल २५ किलोमीटरपर्यंत पाठलाग करून पोलिसांनी गुरनुलेला अटक केली.
सात राज्यांत जाळे
गुरुनुले व गजभियेचे महाराष्ट्रासह मध्य प्रदेश, उत्तर प्रदेश, छत्तीसगड, राजस्थान, पश्चिम बंगाल, केरळ, आंध्र प्रदेश आदी राज्यांमध्येही जाळे आहे. तेथील गुंतवणूकदारांनाही गंडा घालण्यात आला. या फसवणुकीचा आकडा १०० कोटींच्या वर जाण्याची शक्यता आहे. फसवणूक झालेल्या गुंतवणूकदारांनी ७५५९२९४०७६ या व्हॉट्सअॅप क्रमांकावर तक्रार करावी, असे आवाहन अतिरिक्त पोलिस आयुक्त दिलीप झळके यांनी केले.
वायदा बाजारात दामदुप्पटचे आमिष दाखवून १५ हजारांपेक्षा अधिक गुंतवणूकदारांची तब्बल ७० कोटी रुपयांनी फसवणूक करणारा मेट्रोव्हिजन बिल्डकॉम कंपनीचा संचालक विजय रामदास गुरनुले (वय ३९, रा. महाजनवाडी, हिंगणा) याला प्रतापनगर पोलिसांनी अटक केली. गुरनुलेशिवाय या फसवणूक प्रकरणातील अन्य सूत्रधार देवेंद्र भीमराव गजभिये (वय ३४, रा. तोरगाव खुर्द ता. ब्रह्मपुरी) यालाही अटक करण्यात आली.
या फसवणूक प्रकरणात पोलिसांनी आतापर्यंत दहाजणांना अटक केली आहे. ज्ञानेश्वर बावने, जीवनदास आनंदराव दंडारे, रमेश सूरजलाल बिसेन, अतुल युवराज मेश्राम, अविनाश महादेवराव महाडोले, राजू नागोराव मोहुर्ले, श्रीकांत केशव निकुरे व अन्य अशी अटकेतील अन्य आरोपींची नावे आहेत. ही माहिती अतिरिक्त पोलिस आयुक्त नवीनचंद्र रेड्डी, दिलीप झळके यांच्या उपस्थितीत पोलिस उपायुक्त नुरूल हसन यांनी गुरुवारी पत्रपरिषदेत दिली. गजभिये व गुरनुले या दोघांनी २०१५ मध्ये मेट्रोव्हिजन बिल्डकॉन नावाची कंपनी स्थापन केली. कंपनीतील योजनेत गुंतवणूक केल्यास मोठा मोबदला देण्याचे आमिष दाखविले. गुंतवणूकदारांचा विश्वास बसावा यासाठी दोघांनी कारंजा घाडगेत दहा एकर शेतीवर पाडलेल्या प्लॉटची नोटरी गुंतवणूकदारांच्या नावे करून दिली. सुरुवातीला गुरनुले व गजभिये या दोघांनी नियमितपणे गुंतवणूकदरांना मोबदला व व्याज दिले. गुंतवणूकदारांनी नातेवाइकांनाही या कंपनीत गुंतवणूक करायला लावली. यानंतर गुरनुलेने नवीन योजना सादर केली. हिरे, सोने व औषध कंपनीचे आमिष दाखवून गुंतवणूकदारांकडून पैसे घेतले. याशिवाय, बिट क्वॉइनमध्येही गुंतवणुकीचे आमिष दाखविले. अशाप्रकारे १५ हजारांपेक्षा अधिक गुंतवणूकदारांनी गुरनुलेच्या कंपनीत ७० कोटी रुपयांची गुंतवणूक केली. काही दिवसांपूर्वी गुरनुले याने गुंतवणूकदारांना पैसे देणे बंद केले. गुंतवणूकदार गणेश चाफले (वय ३९,रा.साईनगर) यांनी अतिरिक्त पोलिस आयुक्त नवीनचंद्र रेड्डी यांच्याकडे तक्रार केली. रेड्डी यांनी पोलिस उपायुक्त नुरूल हसन यांना प्रकरणाच्या चौकशीचे निर्देश दिले. हसन यांच्या नेतृत्वात प्रतापनगर पोलिस स्टेशनचे वरिष्ठ पोलिस निरीक्षक भीमराव खणदाळे, उपनिरीक्षक एस. जे. केंद्रे, व्ही. वाय. नांदगाये, सहाय्यक उपनिरीक्षक अनिल ब्राह्मणकर, हेडकॉन्स्टेबल मनोज नागमोते, शिपाई मनोज निमजे, स्वप्नील करंड, अतुल तलमले, मिलिंद मेश्राम व अश्विन चौधरी यांनी प्रकरणाचा तपास करून ठगबाजांना अटक केली.
२५ किलोमीटर पाठलाग करून पकडले
चाफले यांच्या तक्रारीवरून प्रतापनगर पोलिसांनी गुरनुले, गजभियेसह दहा जणांविरुद्ध फसवणुकीचा गुन्हा दाखल केला. गुन्हा दाखल झाल्याचे कळताच गुरनुले नागपुरातून पसार झाला. उपायुक्त हसन यांच्या मार्गदर्शनाखाली निरीक्षक खणदाळे, उपनिरीक्षक केंद्रे व त्यांच्या सहकाऱ्यांना मोबाइल लोकेशनद्वारे गुरनुलेचा शोध सुरू केला. गुरनुले आधी अमरावती, नंतर वाशीम, बुलडाणा येथे गेला. तो बुलडाण्यात असल्याचे कळताच प्रतापनगर पोलिसांचे पथक तेथे पोहोचले. तोपर्यंत तो कारने शेगाव येथे आला. पोलिस त्याच्या मागावरच होते. शेगावमध्ये तब्बल २५ किलोमीटरपर्यंत पाठलाग करून पोलिसांनी गुरनुलेला अटक केली.
सात राज्यांत जाळे
गुरुनुले व गजभियेचे महाराष्ट्रासह मध्य प्रदेश, उत्तर प्रदेश, छत्तीसगड, राजस्थान, पश्चिम बंगाल, केरळ, आंध्र प्रदेश आदी राज्यांमध्येही जाळे आहे. तेथील गुंतवणूकदारांनाही गंडा घालण्यात आला. या फसवणुकीचा आकडा १०० कोटींच्या वर जाण्याची शक्यता आहे. फसवणूक झालेल्या गुंतवणूकदारांनी ७५५९२९४०७६ या व्हॉट्सअॅप क्रमांकावर तक्रार करावी, असे आवाहन अतिरिक्त पोलिस आयुक्त दिलीप झळके यांनी केले.