म.टा. प्रतिनिधी, नागपूर
वायुसेनेच्या हवाई तळावरील पंतप्रधान नरेंद्र मोदी यांच्या हेलिकॉप्टरचा फोटो लीक झाल्याची धक्कादायक माहिती समोर आली आहे. याप्रकरणी दहशतवाद विरोधी पथकाने मुंबईच्या नालासापोरा व नागपुरातील एकाला ताब्यात घेतल्याची माहिती मिळाली आहे. मात्र, अद्याप कुणालाही अटक करण्यात आलेली नसून केवळ चौकशी केली जात असल्याचे दहशतवादी पथकातर्फे सांगण्यात आले आहे.
विधानसभा निवडणुकांसाठी पंतप्रधान नरेंद्र मोदी यांची १३ ऑक्टोबर रोजी भंडारा जिल्ह्यातील साकोली येथे प्रचारसभा आयोजित करण्यात आली होती. त्यासाठी मोदी प्रथम नागपूर येथे आले. त्यानंतर नागपूर येथून एका हेलिकॉप्टरने ते साकोली येथे गेले. हे हेलिकॉप्टर वायुसेनेचे होते. नागपूर विमानतळाच्या परिसरातच वायुसेनेचेही हेलिपॅड आहे. या हेलिपॅडवर हे हेलिकॉप्टर ठेवण्यात आले होते. हे क्षेत्र अत्यंत संवेदनशील असल्याने सामान्य नागरिकांसाठी ते प्रतिबंधित आहे. या हेलिपॅडवरील हेलिकॉप्टरचा फोटो लीक झाल्याचे सांगितले जात आहे. वायुसेनेच्या गोपनीय विभागाकडून ही माहिती एटीएसला देण्यात आल्याचे सांगितले जात आहे. हा फोटो नेमका नागपुरातीलच आहे का? तो कुणी काढला आणि कसा लीक झाला याची चौकशी एटीएस करीत आहे. या प्रकरणी एटीएसने मुंबईतील नालासोपारा परिसरातील व नागपुरातील एकाला ताब्यात घेतल्याचे समजते. मुंबईतील या व्यक्तीकडे हा फोटो पोहोचल्याची माहिती सूत्रांनी दिली आहे. राज्याच्या दहशतवाद विरोधी पथकाचे देवेन भारती यांना संपर्क साधला असता ते म्हणाले, 'नागपुरातून एका व्यक्तीला ताब्यात घेतले गेले आहे. मात्र अद्याप कुणालाही अटक करण्यात आलेली असून चौकशी केली जात आहे.
वायुसेनेच्या हवाई तळावरील पंतप्रधान नरेंद्र मोदी यांच्या हेलिकॉप्टरचा फोटो लीक झाल्याची धक्कादायक माहिती समोर आली आहे. याप्रकरणी दहशतवाद विरोधी पथकाने मुंबईच्या नालासापोरा व नागपुरातील एकाला ताब्यात घेतल्याची माहिती मिळाली आहे. मात्र, अद्याप कुणालाही अटक करण्यात आलेली नसून केवळ चौकशी केली जात असल्याचे दहशतवादी पथकातर्फे सांगण्यात आले आहे.
विधानसभा निवडणुकांसाठी पंतप्रधान नरेंद्र मोदी यांची १३ ऑक्टोबर रोजी भंडारा जिल्ह्यातील साकोली येथे प्रचारसभा आयोजित करण्यात आली होती. त्यासाठी मोदी प्रथम नागपूर येथे आले. त्यानंतर नागपूर येथून एका हेलिकॉप्टरने ते साकोली येथे गेले. हे हेलिकॉप्टर वायुसेनेचे होते. नागपूर विमानतळाच्या परिसरातच वायुसेनेचेही हेलिपॅड आहे. या हेलिपॅडवर हे हेलिकॉप्टर ठेवण्यात आले होते. हे क्षेत्र अत्यंत संवेदनशील असल्याने सामान्य नागरिकांसाठी ते प्रतिबंधित आहे. या हेलिपॅडवरील हेलिकॉप्टरचा फोटो लीक झाल्याचे सांगितले जात आहे. वायुसेनेच्या गोपनीय विभागाकडून ही माहिती एटीएसला देण्यात आल्याचे सांगितले जात आहे. हा फोटो नेमका नागपुरातीलच आहे का? तो कुणी काढला आणि कसा लीक झाला याची चौकशी एटीएस करीत आहे. या प्रकरणी एटीएसने मुंबईतील नालासोपारा परिसरातील व नागपुरातील एकाला ताब्यात घेतल्याचे समजते. मुंबईतील या व्यक्तीकडे हा फोटो पोहोचल्याची माहिती सूत्रांनी दिली आहे. राज्याच्या दहशतवाद विरोधी पथकाचे देवेन भारती यांना संपर्क साधला असता ते म्हणाले, 'नागपुरातून एका व्यक्तीला ताब्यात घेतले गेले आहे. मात्र अद्याप कुणालाही अटक करण्यात आलेली असून चौकशी केली जात आहे.