मनपातर्फे भक्तांसाठी उपक्रम
म. टा. विशेष प्रतिनिधी, नागपूर
शहरात वेगाने पसरणाऱ्या विविध आजारांबाबत जनजागृतीसाठी मनपाच्या हिवताप व हत्तीरोग विभागातर्फे गणेशोत्सव काळात जनजागृती अभियान राबविणार आहे. यासाठी दहाही झोनमधील काही मंडळांमध्ये येऱ्या भाविकांना आजाराबाबत माहिती देऊन उपाययोजना सांगण्यात येणार आहे. १३ ते २३ सप्टेंबर या दहा दिवसात रोज सायंकाळी ६ ते १० या वेळेत ही जनजागृती असेल.
शहरात कीटकजन्य आजाराचा प्रकोप आहे. हिवताप, डेंग्यू, स्क्रब टायफस, चिकनगुनिया, हत्तीरोग आदी आजार आहे. या आजाराबाबत गणेशोत्सव मंडळाच्या परिसरात प्रदर्शनी लावण्यात येणार आहे. या प्रदर्शनीत जनतेला कीटकजन्य आजारांबाबत माहिती देण्यात येणार आहे तसेच साठविण्यात येणाऱ्या पाण्यामध्ये डासअळी होऊ नये, म्हणून मोफत गप्पीमासेही वितरित करण्यात येणार आहे. मनपातर्फे खालील झोनमधील या मंडळासमोर रोज जनजागृती अभियान राबवले.
-लक्ष्मीनगर : भेंडे लेआऊट, त्रिमूर्तीनगर, हिंगणा रोड, गणेश उत्सव मंडळ
-धरमपेठ : हिलटॉप गणेश उत्सव मंडळ, फ्रेंड्स कॉलोनी गिट्टीखदान
-हनुमाननगर : रेशीमबाग मैदान, गणेश उत्सव मंडळ
-धंतोली : विदर्भ गणेश प्रदर्शनी, कॉटन मार्केट
-नेहरूनगर : अश्वमेघ गणेश उत्सव मंडळ बसवेश्वर पुतळयाच्या बाजूला, न्यू सुभेदार लेआऊट
-गांधीबाग : नागपूरचा राजा गणेश उत्सव मंडळ, तुळशीबाग
-सतरंजीपुरा : भारत माता चौक, गणेश उत्सव मंडळ, जागनाथ बुधवारी
-लकडगंज : एच. बी. टाऊन जुनी पारडी गणेश उत्सव मंडळ, एच बी टाऊन
-आशीनगर : अशोक चौक, गणेश उत्सव मंडळ
-मंगळवारी : जरीपटका गणेश उत्सव मंडळ, चौधरी चौक
...........