नागपूरः
क्रांतिकारी शहीद राजगुरू हे स्वयंसेवक होते की नव्हते यावरून राष्ट्रीय स्वयंसेवक संघातील आजी-माजी प्रचारकांच्या परस्परविरोधी वक्तव्याने चर्चेला तोंड फुटलं आहे. राजगुरू हे संघाचे स्वयंसेवक होते, असा दावा संघाचे प्रचारक नरेंद्र सेहगल यांनी केला आहे. पण संघाचे माजी प्रचारक मा. गो. वैद्य यांनी हा दावा खोडून काढत राजगुरू हे संघाचे स्वयंसेवक कधीच नव्हते, असं म्हटलंय.
राजगुरू हे संघाचे स्वयंसेवक होते. ते नागपुरातील संघ मुख्यालयाच्या मोहिते संघ शाखेत येऊन गेले होते, असा उल्लेख संघाचे प्रचारक नरेंद्र सेहगल यांनी ‘भारत वर्ष की सर्वांग स्वतंत्रता’ या पुस्तकात केला आहे. तसंच राजगुरूंचे संघ संस्थापक डॉ. केशव बळीराम हेडगेवार यांच्याशी घनिष्ठ संबंध होते, असंही पुस्तकात म्हटलं आहे. पण संघाचे माजी प्रचारक आणि ज्येष्ठ विचारवंत मा. गो. वैद्य यांनी हा दावा फेटाळला आहे. डॉ. हेडगेवार हे क्रांतिकारी होते. राजगुरू यांचा हेडगेवारांशी संबंध असू शकतो. तसंच राजगुरू कधी आले असतील तर त्यांची व्यवस्था त्यांनी केलीही असेल. पण याचे कुठलेही पुरावे नाहीत. तसंच डॉ. हेडगेवारांच्या चरित्रातही राजगुरुंबाबत उल्लेख नाही, असं सांगत वैद्य यांनी राजगुरूंचा संघाशी संबंध नसल्याचं स्पष्ट केलं. प्रसारमाध्यमांशी बोलताना वैद्य यांनी हे स्पष्टीकरण दिलं. यामुळे संघातील दोन प्रमुख नेत्यांमधील मतभेद चव्हाट्यावर आल्याची चर्चा आहे.
क्रांतिकारी शहीद राजगुरू हे स्वयंसेवक होते की नव्हते यावरून राष्ट्रीय स्वयंसेवक संघातील आजी-माजी प्रचारकांच्या परस्परविरोधी वक्तव्याने चर्चेला तोंड फुटलं आहे. राजगुरू हे संघाचे स्वयंसेवक होते, असा दावा संघाचे प्रचारक नरेंद्र सेहगल यांनी केला आहे. पण संघाचे माजी प्रचारक मा. गो. वैद्य यांनी हा दावा खोडून काढत राजगुरू हे संघाचे स्वयंसेवक कधीच नव्हते, असं म्हटलंय.
राजगुरू हे संघाचे स्वयंसेवक होते. ते नागपुरातील संघ मुख्यालयाच्या मोहिते संघ शाखेत येऊन गेले होते, असा उल्लेख संघाचे प्रचारक नरेंद्र सेहगल यांनी ‘भारत वर्ष की सर्वांग स्वतंत्रता’ या पुस्तकात केला आहे. तसंच राजगुरूंचे संघ संस्थापक डॉ. केशव बळीराम हेडगेवार यांच्याशी घनिष्ठ संबंध होते, असंही पुस्तकात म्हटलं आहे. पण संघाचे माजी प्रचारक आणि ज्येष्ठ विचारवंत मा. गो. वैद्य यांनी हा दावा फेटाळला आहे. डॉ. हेडगेवार हे क्रांतिकारी होते. राजगुरू यांचा हेडगेवारांशी संबंध असू शकतो. तसंच राजगुरू कधी आले असतील तर त्यांची व्यवस्था त्यांनी केलीही असेल. पण याचे कुठलेही पुरावे नाहीत. तसंच डॉ. हेडगेवारांच्या चरित्रातही राजगुरुंबाबत उल्लेख नाही, असं सांगत वैद्य यांनी राजगुरूंचा संघाशी संबंध नसल्याचं स्पष्ट केलं. प्रसारमाध्यमांशी बोलताना वैद्य यांनी हे स्पष्टीकरण दिलं. यामुळे संघातील दोन प्रमुख नेत्यांमधील मतभेद चव्हाट्यावर आल्याची चर्चा आहे.