नागपूर : विरोधी टोळीतील सदस्याचा गेम करण्यास नकार दिल्याने गुन्हेगारांच्या टोळीने आपल्याच टोळीतील सदस्याचा तलवारीने वार करून हत्येचा प्रयत्न केला. ही घटना मेकोसाबाग भागात सोमवारी रात्री घडली. जरीपटका पोलिसांनी प्राणघातक हल्ल्याचा गुन्हा दाखल करून चार हल्लेखोरांना अटक केली आहे. पवन रामचंद्र गणवीर (२९), गौतम रामचंद्र गणवीर, सूरज महेश बदेवार व पारेख केशव राऊत सर्व रा. लुंबिनीनगर, अशी अटकेतील हल्लेखोरांची, तर आकाश राजेंद्र थापा (१९, रा. ख्रिश्चन कॉलनी), असे जखमीचे नाव आहे. त्याच्यावर मेयो हॉस्पिटलमध्ये उपचार सुरू आहेत.
जखमी आकाश व अटकेतील हल्लेखोरांविरुद्ध अनेक गुन्हे दाखल आहेत. पवन याचा शत्रू टोळीतील एका सदस्यासोबत वाद झाला होता. सोमवारी रात्री ते त्याचा गेम करण्याचा कट आखत होते. या कटात आकाश यालाही सामिल होण्यास सांगितले. त्याने नकार दिला. आकाश व अन्य चौघांचा वाद झाला. गौतम याने तलवारीने आकाश याच्या डोक्यावर वार केल. रक्ताच्या थारोळ्यात आकाश खाली कोसळला. त्याचा मृत्यू झाल्याचे समजून चौघे पसार झाले. काही वेळाने आकाश शुद्धीवर आला. त्याने मोबाइलद्वारे पोलिसांना माहिती दिली. माहिती मिळताच जरीपटका पोलिसांचा ताफा तेथे पोहोचला. पोलिसांनी आकाश याला मेयो हॉस्पिटलमध्ये दाखल केले. पोलिसांनी हत्येचा प्रयत्न केल्याचा गुन्हा दाखल करून चौघांना अटक केली. या घटनेनंतर जरीपटका भागात टोळीयुद्ध भडकण्याची शक्यता आहे.
जखमी आकाश व अटकेतील हल्लेखोरांविरुद्ध अनेक गुन्हे दाखल आहेत. पवन याचा शत्रू टोळीतील एका सदस्यासोबत वाद झाला होता. सोमवारी रात्री ते त्याचा गेम करण्याचा कट आखत होते. या कटात आकाश यालाही सामिल होण्यास सांगितले. त्याने नकार दिला. आकाश व अन्य चौघांचा वाद झाला. गौतम याने तलवारीने आकाश याच्या डोक्यावर वार केल. रक्ताच्या थारोळ्यात आकाश खाली कोसळला. त्याचा मृत्यू झाल्याचे समजून चौघे पसार झाले. काही वेळाने आकाश शुद्धीवर आला. त्याने मोबाइलद्वारे पोलिसांना माहिती दिली. माहिती मिळताच जरीपटका पोलिसांचा ताफा तेथे पोहोचला. पोलिसांनी आकाश याला मेयो हॉस्पिटलमध्ये दाखल केले. पोलिसांनी हत्येचा प्रयत्न केल्याचा गुन्हा दाखल करून चौघांना अटक केली. या घटनेनंतर जरीपटका भागात टोळीयुद्ध भडकण्याची शक्यता आहे.