नागपूर : विदर्भातील चंद्रपूर, गडचिरोली, गोंदिया आणि यवतमाळ येथे करोना रूग्णांच्या नमुन्यांच्या तपासणीचे केंद्र स्थापन करण्याचा आदेश उच्च न्यायालयाने दिला होता. त्या केंद्रांसाठी आरटीपीसीआर यंत्र खरेदी करण्याचा आदेश देण्यात आला होता. राज्य सरकारने त्या आदेशानुसार सिंगापूर येथून आरटीपीसीआर यंत्र खरेदी केले होते. त्या मुंबईहून विदर्भात पाविवण्यात येत होत्या. परंतु हे यंत्र चुकीने जळगावात पोहोचल्याची माहिती न्यायालय मित्र अनुप गिल्डा यांनी उच्च न्यायालयाला दिली. त्यावर हे यंत्र पुन्हा विदर्भात परत आणण्यात येत असल्याची माहीती अतिरिक्त सरकारी वकील दीपक ठाकरे यांनी दिलीं. हे यंत्र लावण्यात आल्यानंतर करोना तपासणी केंद्र सुरू करण्यात येईल, असेही नमूद करण्यात आले.
विदर्भातील आरटीपीसीआर यंत्र जळगावात
विदर्भातील चंद्रपूर, गडचिरोली, गोंदिया आणि यवतमाळ येथे करोना रूग्णांच्या नमुन्यांच्या तपासणीचे केंद्र स्थापन करण्याचा आदेश उच्च न्यायालयाने दिला ...
महाराष्ट्र टाइम्स.कॉम 27 May 2020, 4:00 am