म. टा. वृत्तसेवा, बुलडाणा
'देशात महिलांची शक्ती अधिक आहे. ही ताकद दाखवून देण्यासाठी ग्रामपंचायतीपासून लोकसभेपर्यंतची प्रत्येक निवडणूक महिलांनी लढली पाहिजेे. आगामी २०२४च्या लोकसभा, विधानसभा निवडणुकीत संभाजी ब्रिगेड महाराष्ट्रातील सर्व जागांवर महिलांना संधी देणार,' अशी ग्वाही मराठा सेवा संघाचे संस्थापक पुरुषोत्तम खेडेकर यांनी दिली.
मराठा सेवा संघाच्या वतीने सिंदखेडराजातील जिजाऊसृष्टी परिसरात राजमाता जिजाऊंचा ४२३वा जन्मोत्सव सोहळा शुक्रवारी आयोजित करण्यात आला. करोनाचे संकट असल्याने ऑनलाइन स्वरूपात हा सोहळा झाला. या वेळी मुख्य कार्यक्रमातून मार्गदर्शन करताना खेडेकर बोलत होते. व्यासपीठावर आरोग्यमंत्री राजेश टोपे, अन्न औषध प्रशासन मंत्री डॉ. राजेंद्र शिंगणे, आमदार श्वेता महाले यांच्यासह मराठा सेवा संघ व विविध कक्षांचे मुख्य पदाधिकारी उपस्थित होते. 'आराखड्याबाबत बैठक लावू' सिंदखेडराजा विकास आराखडा व जिजाऊसृष्टी प्रकल्पाच्या बाबतीत उपमुख्यमंत्री अजित पवार यांच्याकडे लवकरच बैठक घेऊ. त्यानंतर मुख्यमंत्री उद्धव ठाकरे यांच्याकडे पाठपुरावा करू, अशी ग्वाही पालकमंत्री डॉ. राजेंद्र शिंगणे यांनी दिली. २०१४मध्ये देवेंद्र फडणवीस मुख्यमंत्री असताना या विकास आराखड्याची घोषणा झाली होती. सिंदखेडराजाच्या विकासासाठी भरीव काम आगामी काळात होईल, असा विश्वासही त्यांनी व्यक्त केला. 'ओबीसींचे हक्क अबाधित' 'मराठा आरक्षणाच्या संदर्भामध्ये कुणाचे हक्क काढून घेण्याचा प्रश्न नाही. ओबीसी आरक्षण अबाधित ठेवून ते देण्याचा प्रयत्न शासनाकडून सुरू आहे,' असे आरोग्यमंत्री टोपे या वेळी म्हणाले. 'करोना साथीत कर्तव्य पार पाडत असताना हे काही एकट्याचे काम नव्हते. डॉक्टर, नर्सेस, पोलिस, महसूलपासून तर अगदी सफाई कर्मचारी, शववाहिनी व ॲम्ब्युलन्सच्या चालकांमुळे सामान्य माणूस केंद्रबिंदू माणून काम करता आले. आज मिळालेला हा पुरस्कार जबाबदारीला बळ देणारा आहे,' असे टोपे यांनी सांगितले.
'देशात महिलांची शक्ती अधिक आहे. ही ताकद दाखवून देण्यासाठी ग्रामपंचायतीपासून लोकसभेपर्यंतची प्रत्येक निवडणूक महिलांनी लढली पाहिजेे. आगामी २०२४च्या लोकसभा, विधानसभा निवडणुकीत संभाजी ब्रिगेड महाराष्ट्रातील सर्व जागांवर महिलांना संधी देणार,' अशी ग्वाही मराठा सेवा संघाचे संस्थापक पुरुषोत्तम खेडेकर यांनी दिली.
मराठा सेवा संघाच्या वतीने सिंदखेडराजातील जिजाऊसृष्टी परिसरात राजमाता जिजाऊंचा ४२३वा जन्मोत्सव सोहळा शुक्रवारी आयोजित करण्यात आला. करोनाचे संकट असल्याने ऑनलाइन स्वरूपात हा सोहळा झाला. या वेळी मुख्य कार्यक्रमातून मार्गदर्शन करताना खेडेकर बोलत होते. व्यासपीठावर आरोग्यमंत्री राजेश टोपे, अन्न औषध प्रशासन मंत्री डॉ. राजेंद्र शिंगणे, आमदार श्वेता महाले यांच्यासह मराठा सेवा संघ व विविध कक्षांचे मुख्य पदाधिकारी उपस्थित होते. 'आराखड्याबाबत बैठक लावू' सिंदखेडराजा विकास आराखडा व जिजाऊसृष्टी प्रकल्पाच्या बाबतीत उपमुख्यमंत्री अजित पवार यांच्याकडे लवकरच बैठक घेऊ. त्यानंतर मुख्यमंत्री उद्धव ठाकरे यांच्याकडे पाठपुरावा करू, अशी ग्वाही पालकमंत्री डॉ. राजेंद्र शिंगणे यांनी दिली. २०१४मध्ये देवेंद्र फडणवीस मुख्यमंत्री असताना या विकास आराखड्याची घोषणा झाली होती. सिंदखेडराजाच्या विकासासाठी भरीव काम आगामी काळात होईल, असा विश्वासही त्यांनी व्यक्त केला. 'ओबीसींचे हक्क अबाधित' 'मराठा आरक्षणाच्या संदर्भामध्ये कुणाचे हक्क काढून घेण्याचा प्रश्न नाही. ओबीसी आरक्षण अबाधित ठेवून ते देण्याचा प्रयत्न शासनाकडून सुरू आहे,' असे आरोग्यमंत्री टोपे या वेळी म्हणाले. 'करोना साथीत कर्तव्य पार पाडत असताना हे काही एकट्याचे काम नव्हते. डॉक्टर, नर्सेस, पोलिस, महसूलपासून तर अगदी सफाई कर्मचारी, शववाहिनी व ॲम्ब्युलन्सच्या चालकांमुळे सामान्य माणूस केंद्रबिंदू माणून काम करता आले. आज मिळालेला हा पुरस्कार जबाबदारीला बळ देणारा आहे,' असे टोपे यांनी सांगितले.