‘सॅनिटरी नॅपकिनला जीएसटीतून वगळा’

म.टा.प्रतिनिधी,नागपूर

सॅनेटरी नॅपकिनला जीएसटीतून वगळण्यात यावे, कांबळे दुहेरी हत्याकांडातील आरोपींना फाशीची शिक्षा द्यावी, मेडिकलमध्ये स्वच्छ पाणी, शौचालय, सार्वजनिक ठिकाणी सॅनेटरी नॅपकिन वेंडिंग मशिन लावावी, आदी मागण्यांसाठी प्रियदर्शनी बहुउद्देशीय संस्थेच्यावतीने मेडिकल चौक येथे स्वाक्षरी अभियान राबविण्यात आले. यात सात ते आठ हजार महिलांनी स्वाक्षरी केली.

सुरुवातीला क्रांतिज्योती सावित्रीबाई फुले, माँ जिजाऊ आणि रमाई आंबेडकर यांच्या प्रतिमेला पुष्पहार अर्पण करण्यात आला. यावेळी अन्नपुरवठा विभागातील अधिकारी संगीता फुलझेले शिक्षिका रोशनी गायकवाड, कविता पारखडे यांनी पुष्पहार अर्पण केला. कार्यक्रमादरम्यान महिलांना सॅनेटरी नॅपकिनचे वितरण करण्यात आले. त्याचप्रमाणे समता पथनाट्यही सादर करण्यात आले. कार्यक्रमाच्या यशस्वितेसाठी शीतल गडपायले, स्वीटी शेंडे, मोनिका धाडसे, पूजा रामटेके, अनिकेत कुत्तरमारे, सिद्धांत पाटील, उपासक, नीलेश बागडे आदींनी परिश्रम घेतले.