नागपूर: विरोधी पक्षनेते देवेंद्र फडणवीस यांच्या सांगण्यावरूनच ईडीने सतीश उके यांच्यावर कारवाई केल्याचा आरोप त्यांच्या कुटुंबीयांनी केला आहे. सतीश उके यांच्याकडे न्या. लोया मृत्यूप्रकरण आणि देवेंद्र फडणवीस यांच्याविरोधात महत्त्वाची माहिती होती. त्या आधारे भविष्यात देवेंद्र फडणवीस यांच्यावर कारवाई होण्याची शक्यता होती. त्यामुळेच ईडीकडून सतीश उके यांच्यावर कारवाई करण्यात आल्याचा आरोप सतीश उके यांच्या भावाने केला. पहाटे पाच वाजता ईडीने नागपूर येथील सतीश उके यांच्या घरी छापा टाकला. पाच तासांच्या झाडाझडतीनंतर ईडीने सतीश उके आणि त्यांचे बंधू प्रदीप उके यांना ताब्यात घेतले होते.
सतीश उके यांनी देवेंद्र फडणवीस यांच्याविरोधात अनेक केसेस केल्या होत्या. यापैकी एका प्रकरणाचा निकाल तीन ते चार दिवसांत लागणार आहे. गेल्याकाही दिवसांपासून आमच्या घराची रेकी सुरु होती. ईडीच्या अधिकाऱ्यांनी केवळ सतीश उके यांचा लॅपटॉप आणि मोबाईल जप्त केला आहे. त्यामध्ये अनेक कागदपत्रे आहेत. भविष्यात देवेंद्र फडणवीस यांच्यावर होऊ शकणाऱ्या केसेस बघण्यासाठी ईडीच्या अधिकाऱ्यांनी हा लॅपटॉप ताब्यात घेतला असावा. तसेच निमराळे हत्याकांड आणि न्या. लोया मृत्यूप्रकरणाविषयीही लॅपटॉपमध्ये महत्त्वाची माहिती होती, असा दावाही सतीश उके यांच्या भावाने केला.
सतीश उके यांनी देवेंद्र फडणवीस यांच्याविरोधात अनेक केसेस केल्या होत्या. यापैकी एका प्रकरणाचा निकाल तीन ते चार दिवसांत लागणार आहे. गेल्याकाही दिवसांपासून आमच्या घराची रेकी सुरु होती. ईडीच्या अधिकाऱ्यांनी केवळ सतीश उके यांचा लॅपटॉप आणि मोबाईल जप्त केला आहे. त्यामध्ये अनेक कागदपत्रे आहेत. भविष्यात देवेंद्र फडणवीस यांच्यावर होऊ शकणाऱ्या केसेस बघण्यासाठी ईडीच्या अधिकाऱ्यांनी हा लॅपटॉप ताब्यात घेतला असावा. तसेच निमराळे हत्याकांड आणि न्या. लोया मृत्यूप्रकरणाविषयीही लॅपटॉपमध्ये महत्त्वाची माहिती होती, असा दावाही सतीश उके यांच्या भावाने केला.