विनापरवानगी आंदोलन, विदर्भवाद्यांवर गुन्हे

मटा ऑनलाइन वृत्त । नागपूर

महाराष्ट्र दिनाला स्वतंत्र विदर्भाची मागणी करत विनापरवानगी आंदोलन करणाऱ्या विदर्भवादी संघटनांच्या कार्यकर्त्यांच्या विरोधात गुन्हे दाखल करण्यात आले आहेत. रविवारी नागपूरसह विदर्भातील अकराही जिल्ह्यांत विदर्भवाद्यांनी काळा दिवस पाळला होता.

सीताबर्डी परिसरात विना परवानगी आंदोलन करत चौकात भाजपच्या जाहिरनाम्याचे कागद जाळणाऱ्या सुमारे ५० कार्यकर्त्यांविरोधात गुन्हे दाखल करण्यात आले. महाराष्ट्र पोलीस कायदा कलम १३५ चे उल्लंघन केल्याचा आरोप त्यांच्यावर ठेवण्यात आला आहे.

स्वतंत्र विदर्भासाठी विनापरवानगी आंदोलन केल्याप्रकरणी गुन्हे दाखल झालेल्या व्यक्तींमध्ये माजी आमदार वामनराव चटप, शेतकरी संघटना माजी अध्यक्ष राम नेवले, नंदा पराते, नरवदिया यांचा समावेश आहे. त्यांच्यासह इतर ४० ते ५० कार्यकर्त्यांच्या विरोधात गुन्हा नोंदवण्यात आला आहे.