म.टा. वृत्तसेवा, गोंदिया
जुन्या वैमनस्यातून मुर्री शिवारातील फार्महाऊसमध्ये सुरेश यादव (वय ४४) यांची १४ फेबुवारी रोजी रात्री ८ वाजताच्या सुमारास बंदुकीने गोळी झाडून हत्या करण्यात आली होती. या घटनेतील सात आरोपींना शहर पोलिस व स्थानिक गुन्हे शाखेच्या पथकाने पकडले आहे. पोलिसांच्या पथकाने आरोपींकडून गावठी हत्यार, दोन जिवंत काडतुसे व इतर साहित्य मध्य प्रदेशातील किरणापूर व जिल्ह्यातील इतर ठिकाणातून ताब्यात घेतले. ताब्यात घेतलेल्या आरोपींमध्ये नरेश नेतराम नागपुरे (वय ३१, रा. कृष्णपुरा वॉर्ड, गोंदिया), दुर्गेश उर्फ डॅनी खरे (वय २९, रा. आझाद वॉर्ड, वसंतनगर, गोंदिया), धीरज उर्फ भोला मुन्नालाल उके (वय २८, रा. गणेश चौक, वसंतनगर, गोंदिया), राजा महेश सांडेकर (वय २५, रा. सावराटोली), मोहित दिलीप मराठा (वय ३१, रा. संजयनगर, गोविंदपूर), अजय दीपक बनसोड (वय ३०, गड्डाटोली) व नारायण संतोष शर्मा (वय २१, रा. कृष्णपुरा वार्ड, गोंदिया) यांचा समावेश आहे. या प्रकरणातील आरोपी नारायण शर्मा याने आपल्या मृत भावाच्या खुनाचा राग मनात धरून सुरेश यादव यांना मारहाण करून छातीत गोळी घालत ठार केले होते. सुरेश यादवचा मुलगा गोलू यादव हा मुरली शर्मा हत्याप्रकरणातील आरोपी असून मृत सुरेश यादवचा मुलगा आहे.