म. टा. वृत्तसेवा, चंद्रपूर
चंद्रपूर लोकसभा मतदारसंघात काँग्रेसकडून उमेदवारीसाठी इच्छुक असलेले चंद्रपूर जिल्ह्यातील वरोरा विधानसभा मतदारसंघाचे शिवसेनेचे आमदार बाळू धानोकर यांनी बुधवारी राजीनामा दिला. पक्ष आणि पदाचा त्यांनी राजीनामा दिल्याने काँग्रेसकडून उमेदवारीची वाट मोकळी झाल्याची शक्यताही व्यक्त होत आहे.
चंद्रपूर लोकसभा मतदारसंघात मतदारसंघात काँग्रेसकडून उमेदवारीसाठी स्पर्धा आहे. सुरुवातीच्या काळात माजी खासदार नरेश पुगलिया आणि आमदार विजय वडेट्टीवार यांच्यातील वादावर धानोरकर यांचा तोडगा शोधण्यात आल्याचे वृत्त पसरले. त्यांच्या नावाला विरोध झाल्याने ही चर्चा काहिसी थांबली. नंतर ‘मोतोश्री’वरूनही धानोरकरांना विचारणा करण्यात आली होती. दरम्यानच्या काळात उमेदवारीसाठी इच्छुकांच्या यादीत पुगलिया यांच्यासह डॉ. आशीष देशमुख, आमदार विजय वडेट्टीवार यांची नावे समोर आली. नागपुरातील माजी खासदार विलास मुत्तेमवार यांचेही नाव चर्चेत आले. मंगळवारी मुत्तेमवार यांचे पुत्र विशाल यांचे नाव निश्चित झाल्याची चर्चा पसली. नागपुरात कार्यकर्त्यांनी जल्लोषही केला. रात्री ११ वाजता जाहीर झालेल्या यादीत विशाल मुत्तेमवार यांचे नाव नसल्याने आश्चर्य व्यक्त झाले. बुधवारी मुत्तेमवार यांनी उमेदवारीस नकार दिल्याचीही चर्चा होती. हे सारे घडत असतानाच धानोरकर यांनी राजीनामा दिल्याने मतदारसंघातील राजकीय गणिताची जुळवाजुळव सुरू झाली आहे.
लोकसभेसाठी बाळू धानोरकर लढणार
आमदार बाळू धानोरकर यांनी बुधवारी विधानसभा सदस्यत्वासह पक्षाचाही राजीनामा दिला असल्याची माहिती आ. बाळू धानोरकर यांनी म.टा.शी बोलताना दिली. लोकसभा निवडणूक लढायची आहे. त्यामुळे पक्षाचाही राजीनामा दिल्याची पुष्टी त्यांनी जोडली. त्यामुळे ते अपक्ष म्हणून लढतात की काँग्रेस वा अन्य पक्षाकडून लढतात हे अद्यापही स्पष्ट झालेले नाही.
चंद्रपूर लोकसभा मतदारसंघात काँग्रेसकडून उमेदवारीसाठी इच्छुक असलेले चंद्रपूर जिल्ह्यातील वरोरा विधानसभा मतदारसंघाचे शिवसेनेचे आमदार बाळू धानोकर यांनी बुधवारी राजीनामा दिला. पक्ष आणि पदाचा त्यांनी राजीनामा दिल्याने काँग्रेसकडून उमेदवारीची वाट मोकळी झाल्याची शक्यताही व्यक्त होत आहे.
चंद्रपूर लोकसभा मतदारसंघात मतदारसंघात काँग्रेसकडून उमेदवारीसाठी स्पर्धा आहे. सुरुवातीच्या काळात माजी खासदार नरेश पुगलिया आणि आमदार विजय वडेट्टीवार यांच्यातील वादावर धानोरकर यांचा तोडगा शोधण्यात आल्याचे वृत्त पसरले. त्यांच्या नावाला विरोध झाल्याने ही चर्चा काहिसी थांबली. नंतर ‘मोतोश्री’वरूनही धानोरकरांना विचारणा करण्यात आली होती. दरम्यानच्या काळात उमेदवारीसाठी इच्छुकांच्या यादीत पुगलिया यांच्यासह डॉ. आशीष देशमुख, आमदार विजय वडेट्टीवार यांची नावे समोर आली. नागपुरातील माजी खासदार विलास मुत्तेमवार यांचेही नाव चर्चेत आले. मंगळवारी मुत्तेमवार यांचे पुत्र विशाल यांचे नाव निश्चित झाल्याची चर्चा पसली. नागपुरात कार्यकर्त्यांनी जल्लोषही केला. रात्री ११ वाजता जाहीर झालेल्या यादीत विशाल मुत्तेमवार यांचे नाव नसल्याने आश्चर्य व्यक्त झाले. बुधवारी मुत्तेमवार यांनी उमेदवारीस नकार दिल्याचीही चर्चा होती. हे सारे घडत असतानाच धानोरकर यांनी राजीनामा दिल्याने मतदारसंघातील राजकीय गणिताची जुळवाजुळव सुरू झाली आहे.
लोकसभेसाठी बाळू धानोरकर लढणार
आमदार बाळू धानोरकर यांनी बुधवारी विधानसभा सदस्यत्वासह पक्षाचाही राजीनामा दिला असल्याची माहिती आ. बाळू धानोरकर यांनी म.टा.शी बोलताना दिली. लोकसभा निवडणूक लढायची आहे. त्यामुळे पक्षाचाही राजीनामा दिल्याची पुष्टी त्यांनी जोडली. त्यामुळे ते अपक्ष म्हणून लढतात की काँग्रेस वा अन्य पक्षाकडून लढतात हे अद्यापही स्पष्ट झालेले नाही.