यवतमाळ : शिवसेना पक्ष प्रमुख उद्धव ठाकरे मुख्यमंत्री न झाल्याचा धक्का सहन न झाल्याने एका शिवसैनिकाने स्वत:वर ब्लेडने वार करीत आत्महत्येचा प्रयत्न केला. ही खळबळजनक घटना शनिवारी दिग्रस येथे घडली. रमेश बाळू जाधव, असे त्यांचे नाव आहे.
रमेश हे वाशीम जिल्ह्याच्या मानोरा तालुक्यातील उमरी येथील रहिवासी असून आपण शिवसैनिक असल्याचे सांगतात. शनिवारी काही कामानिमित्त दिग्रस येथे आले होते. सकाळी १० वाजतादरम्यान त्यांना देवेंद्र फडणवीस मुख्यमंत्री झाल्याचे समजले. उद्धव ठाकरे मुख्यमंत्री होणार म्हणून आनंदात असलेल्या रमेश यांना फडणवीस मुख्यमंत्री झाल्याचा धक्का सहन झाला नाही. त्यांनी मानोरा चौकात स्वतः वर ब्लेडने वार करणे सुरू केले. चौकात उभ्या असलेले वाहतूक शिपाई युवराज चव्हाण यांच्या ही बाब लक्षात येताच त्यांनी जखमी झालेल्या रमेशला ताब्यात घेऊन उपचारासाठी शासकीय रुग्णालयात हलविले.
रमेश हे वाशीम जिल्ह्याच्या मानोरा तालुक्यातील उमरी येथील रहिवासी असून आपण शिवसैनिक असल्याचे सांगतात. शनिवारी काही कामानिमित्त दिग्रस येथे आले होते. सकाळी १० वाजतादरम्यान त्यांना देवेंद्र फडणवीस मुख्यमंत्री झाल्याचे समजले. उद्धव ठाकरे मुख्यमंत्री होणार म्हणून आनंदात असलेल्या रमेश यांना फडणवीस मुख्यमंत्री झाल्याचा धक्का सहन झाला नाही. त्यांनी मानोरा चौकात स्वतः वर ब्लेडने वार करणे सुरू केले. चौकात उभ्या असलेले वाहतूक शिपाई युवराज चव्हाण यांच्या ही बाब लक्षात येताच त्यांनी जखमी झालेल्या रमेशला ताब्यात घेऊन उपचारासाठी शासकीय रुग्णालयात हलविले.