म.टा. वृत्तसेवा, अकोला
शिवाजी शिक्षण संस्थेच्या अकोट येथील विद्यालयामध्ये महिला कर्मचाऱ्याला शरीरसुखाची मागणी करणाऱ्या मुख्याध्यापक जयंत देविदास तायडे याचे विरुध्द अकोट शहर पोलिस स्टेशनमध्ये गुन्हा दाखल करुन अटक करण्यात आली आहे. सदरचा गुन्हा १३ एप्रिल रोजी दाखल करण्यात आला असून २२ एप्रिल रोजी गुन्ह्याची माहिती पुढे आली आहे. शिक्षण क्षेत्राला काळीमा फासणाऱ्या या प्रकारामुळे खळबळ उडाली आहे.
शिवाजी शिक्षण संस्थेच्या शहरातील एका विद्यालयामध्ये कार्यरत असलेल्या महिला कर्मचाऱ्याला ३ एप्रिल रोजी शाळा संपल्यानंतर मुख्याध्यापक जयंत तायडे याने शाळेतील सहाय्यक शिक्षक याच्या फोनवर महिलेशी संपर्क करुन शाळेत थांबण्यास सांगितले. त्यावेळी सर्व शिक्षक शाळा संपल्याने घरी गेले होते. शाळेमध्ये मुख्याध्यापक तायडे आल्यानंतर त्यांनी महिलेला शीरीसुखाची मागणी केली. सदर कर्मचारी महिलेने हा प्रकार असह्य झाल्याने आधी संस्थेकडे तक्रार केली. संस्थेने याबाबत प्राथमिक चौकशी केली तसेच सदर कर्मचारी महिलेला अकोट पोलिस स्टेशनला रितसर तक्रार नोंदवावी असे आदेश ११ एप्रिल रोजी देऊन परवानगी दिली. त्यामुळे सदर पीडित महिलेने अकोट शहर पोलिसात १३ एप्रिल रोजी दिलेल्या तक्रारीवरुन मुख्याध्यापक जयंत तायडे याचे विरुध्द भादंवि ३५४ अ नुसार गुन्हा दाखल केला आहे. मंगळवारी अकोट पोलिस ठाण्याचे निरीक्षक संतोष महल्ले यांनी आरोपीस गजाआड केले.
शिवाजी शिक्षण संस्थेच्या अकोट येथील विद्यालयामध्ये महिला कर्मचाऱ्याला शरीरसुखाची मागणी करणाऱ्या मुख्याध्यापक जयंत देविदास तायडे याचे विरुध्द अकोट शहर पोलिस स्टेशनमध्ये गुन्हा दाखल करुन अटक करण्यात आली आहे. सदरचा गुन्हा १३ एप्रिल रोजी दाखल करण्यात आला असून २२ एप्रिल रोजी गुन्ह्याची माहिती पुढे आली आहे. शिक्षण क्षेत्राला काळीमा फासणाऱ्या या प्रकारामुळे खळबळ उडाली आहे.
शिवाजी शिक्षण संस्थेच्या शहरातील एका विद्यालयामध्ये कार्यरत असलेल्या महिला कर्मचाऱ्याला ३ एप्रिल रोजी शाळा संपल्यानंतर मुख्याध्यापक जयंत तायडे याने शाळेतील सहाय्यक शिक्षक याच्या फोनवर महिलेशी संपर्क करुन शाळेत थांबण्यास सांगितले. त्यावेळी सर्व शिक्षक शाळा संपल्याने घरी गेले होते. शाळेमध्ये मुख्याध्यापक तायडे आल्यानंतर त्यांनी महिलेला शीरीसुखाची मागणी केली. सदर कर्मचारी महिलेने हा प्रकार असह्य झाल्याने आधी संस्थेकडे तक्रार केली. संस्थेने याबाबत प्राथमिक चौकशी केली तसेच सदर कर्मचारी महिलेला अकोट पोलिस स्टेशनला रितसर तक्रार नोंदवावी असे आदेश ११ एप्रिल रोजी देऊन परवानगी दिली. त्यामुळे सदर पीडित महिलेने अकोट शहर पोलिसात १३ एप्रिल रोजी दिलेल्या तक्रारीवरुन मुख्याध्यापक जयंत तायडे याचे विरुध्द भादंवि ३५४ अ नुसार गुन्हा दाखल केला आहे. मंगळवारी अकोट पोलिस ठाण्याचे निरीक्षक संतोष महल्ले यांनी आरोपीस गजाआड केले.