म. टा. विशेष प्रतिनिधी, नागपूर
काँग्रेसच्या अनुसूचित जाती सेलचे राष्ट्रीय अध्यक्ष नितीन राऊत व पक्षातून काढण्यात आलेले माजी मंत्री सतीश चतुर्वेदी यांच्या वाढदिवशी असंतुष्ट गटाने परत एकदा जोरदार शक्तिप्रदर्शन केले.
नितीन राऊत यांचा मंगळवारी तर, सतीश चतुर्वेदी यांचा बुधवारी वाढदिवस झाला. या दोन्ही दिवशी मुत्तेमवार-ठाकरे विरोधी गटातील नेते व त्यांच्या समर्थकांनी वाढदिवसाचे औचित्य साधले. उभय नेत्यांचे अभिष्टचिंतन करताना कार्यकर्त्यांनी नाराजी, निष्ठा आणि शक्ती दाखवून दिली. काँग्रेसने भलेही निष्कासित केले असले तरी माजी मंत्री सतीश चतुर्वेदी यांच्या समर्थकांची संख्या रोडावलेली नाही. उलट अनेक नेत्यांनी प्रत्यक्ष भेटून त्यांना शुभेच्छा दिल्या. सिव्हिल लाvन्सच्या करोडपती गल्लीतील 'महाविद्या' बंगल्यावर बुधवारी प्रचंड गर्दी झाली. कार्यकर्ते ढोलताशे घेऊन आलेत. रस्त्यावर वाहनांची कोंडी झाल्याने वाहतूक नियंत्रित करण्यासाठी पोलिस बोलावण्यात आले होते.
नागपूरसह विदर्भाच्या अन्य जिल्ह्यातील नेते व कार्यकर्त्यांनी सतीश चतुर्वेदी यांना शुभेच्छा दिल्या. अनुसूचित जाती सेलचे अध्यक्ष नितीन राऊत, माजी मंत्री शिवाजीराव मोघे, माजी मंत्री अनीस अहमद, ज्येष्ठ नेते माजी खासदार दत्ता मेघे, माजी खासदार गेव्ह आवारी, माजी आमदार अशोक धवड, माजी आमदार गिरीश गांधी, महापालिकेतील विरोधी पक्षनेते तानाजी वनवे, प्रदेश सचिव प्रफुल्ल गुडधे, नितीन कुंभलकर, नगरसेवक कमलेश चौधरी, जुल्फिकार भुट्टो, पुरुषोत्तम हजारे, किशोर जिचकार, दिनेश यादव, नेहा निकोसे, परसराम मानवटकर, आशा उईके, शाहिदा बेगम, जिशान मुमताज, प्रणीता शहाणे, मनोज गावंडे, स्नेहा निकोसे, सुभाष खोडे, इब्राहिम चुडिवाले, कुसुम बावनकर, परमेश्वर राऊत, श्रीकांत कैकाडे, राजू महाजन, राजेश जरगर, निरज चौबे, नियामत ताजी, अविनाश मैनानी, चंदू पांडे आदींनी शुभेच्छा दिल्या.
....