नागपूर : राज्य राखीव पोलिस दलात कार्यरत जवान अभिषेक बबन बनसोडे (वय २७, रा. महात्मा फुले हाऊसिंग सोसायटी, सांगली) यांना ऑनलाइन एक लाख रुपयांनी गंडा घालण्यात आला. याप्रकरणी गणेशपेठ पोलिसांनी फसवणुकीचा गुन्हा दाखल केला आहे. अभिषेक हे कोल्हापुरातील राज्य राखीव पोलिस दल गट क्रमांक १६ येथे तैनात आहेत. गत तीन महिन्यांपासून ते गोंदिया जिल्ह्यातील गोठणगाव येथे कर्तव्य बजावत आहेत. ८ ऑक्टोबरला त्यांना सांगलीला जायचे होते. ते बसने नागपुरात आले. बसस्थानकाहून त्यांनी मोबाइलवर खुराणा ट्रॅव्हल्सचा क्रमांक शोधला. मिळालेल्या क्रमांकावर त्यांनी संपर्क साधून सांगलीचे तिकीट बुक करायचे असल्याचे सांगितले. त्यानंतर त्यांच्या मोबाइलवर एक लिंक पाठविण्यात आली. त्यांनी लिंक उघडली. काही वेळाने अभिषेक यांच्या खात्यातून एक लाख रुपये वळते करण्यात आले. अभिषेक यांनी गणेशपेठ पोलिसांत तक्रार दिली. चौकशीनंतर गुरुवारी गणेशपेठ पोलिसांनी फसवणुकीचा गुन्हा दाखल केला.
एसआरपीएफ जवानाला लाखाचा गंडा
राज्य राखीव पोलिस दलात कार्यरत जवान अभिषेक बबन बनसोडे (वय २७, रा...
महाराष्ट्र टाइम्स.कॉम 3 Jan 2020, 4:00 am