नागपूर : टिप्परने दिलेल्या धडकेत एका तरुणाचा मृत्यू झाला. ही घटना गुरुवारी सकाळी नऊ वाजता कपीलनगर पोलिस ठाण्याच्या हद्दीतील पावरग्रीड चौकात घडली. या घटनेनंतर परिसरात काही काळासाठी तणाव निर्माण झाला होता. सुमित सुरज राभा (वय २१, गायकवाड ले-आउट) हे मृतकाचे नाव आहे. तो मोटरसायकलवरून जात असताना त्याला एम.एच. ४०-बीजी ८३०४ क्रमांकाच्या टिप्परने धडक दिली. यात त्याचा मृत्यू झाला. हा टिप्पर रेती वाहून नेत होता. या घटनेमुळे चौकात तणाव निर्माण झाल्याने काँग्रेसचे नगरसेवक मनोज सांगोळे, संदीप सहारे आणि भाजपचे नगरसेवक रमेश वानखेडे घटनास्थळी पोहोचले. त्यांनी जमावाला शांत करण्याचे प्रयत्न केले. रेतीचा टिप्पर सकाळच्या वेळेस भरचौकातून जातोच कसा, असा सवाल त्यांनी यावेळी उपस्थित केला. परिसरातील नायब तहसीलदार आणि आरटीओ अधिकाऱ्यावर सदोष मनुष्यवधाचा गुन्हा दाखल करण्यात यावा, अशी मागणीही त्यांनी यावेळी केली.
तरुणाच्या अपघाती मृत्युने तणाव
टिप्परने दिलेल्या धडकेत एका तरुणाचा मृत्यू झाला ही घटना गुरुवारी सकाळी नऊ वाजता कपीलनगर पोलिस ठाण्याच्या हद्दीतील पावरग्रीड चौकात घडली...
महाराष्ट्र टाइम्स.कॉम 15 Feb 2020, 4:00 am