म.टा. प्रतिनिधी, नागपूर
महिला ग्रामसेवकाने आपल्याविरुद्ध तक्रार दिल्याचे समजताच रामटेक पंचायत समितीचे विस्तार अधिकारी सी. एम. पाटील आजारी पडले असून वैद्यकीय रजेवर गेले आहेत. यादरम्यान, जिल्हापरिषद प्रशासनाने पाटील यांना नोटीस पाठविली आहे. तीन दिवसांत या नोटीसीचे उत्तर न दिल्यास प्रशासनाने एकतर्फी कारवाईची तयारी केल्याची माहिती प्राप्त झाली आहे. गेल्या आठवड्यात जिल्हापरिषदेच्या सर्वसामान्य सभेतसुद्धा हा मुद्दा गाजला होता. त्यावेळी सीईओ कादंबरी बलकवडे यांनी पाटील यांच्यावर बडतर्फीचीही कारवाई होऊ शकते, असा इशारा दिला होता, हे विशेष.
‘विस्तार अधिकारी आपल्याला ग्रामपंचायतचे रेकॉर्ड तपासायचे आहेत म्हणून वारंवार फोन करतात, सतत आपल्या व्यक्तिगत आयुष्यावरून टोमणे मारतात आणि ग्रामपंचायत सदस्यांसमोर अपशब्द वापरतात, त्यामुळे या विस्तार अधिकाऱ्यावर कारवाई करण्यात यावी’, अशा आशयाची तक्रार एका आदिवासी महिला ग्रामसेवकाने केली. गेल्या आठवड्यात झालेल्या बुधवारी जिल्हापरिषदेच्या सर्वसाधारण सभेत हा विषय गाजला. या प्रकरणाची चौकशी सुरू असून, विस्तार अधिकारी दोषी आढळल्यास त्याच्यावर बडतर्फीची कारवाई केली जाईल, असे आश्वासन जि.प. सीईओ कादंबरी बलकवडे
यांनी दिले.
ही महिला रामटेक येथील पंचायत समिती येथे गेल्या नऊ वर्षांपासून ग्रामसेवक पदावर कार्यरत आहे. सध्या ही महिला महादुला ग्राम पंचायत येथे कार्यरत आहे. रामटेक पंचायत समितीचे विस्तार अधिकारी सी. एम. पाटील यांच्याविरुद्ध या महिलेने तक्रार केली आहे. ‘मला तुझ्या ग्रामपंचायतचे रेकॉर्ड तपासायचे आहेत’, म्हणून पाटील आपल्याला वारंवार फोन करतात. ग्रामपंचायतीत आल्यावर रेकॉर्ड न तपासता आपल्या वैयक्तिक आयुष्यावर टोमणे मारतात. सतत व्हॉट्सअॅपवरून मेसेजेस पाठवितात तसेच आपल्याला रिप्लाय करण्याकरिता हट्ट धरतात. नेहमी ग्रामपंचायत सदस्यांसमोर अपशब्द वापरतात. यामुळे आपली प्रतिमा खराब होत आहे. त्यामुळे पाटील यांच्यावर कारवाई करण्यात यावी,’ अशी तक्रार या महिलेने जिल्हा परिषदेचे उपाध्यक्ष शरद डोणेकर यांच्याकडे केली आहे. आपण आदिवासी असल्याने आपल्याला मानसिक त्रास दिला जात असल्याचाही आरोप या महिलेने केला आहे.
सर्वसामान्य सभेतसुद्धा हा मुद्दा गाजला. यावर उत्तर देताना बांधकाम विभागाच्या प्रमुख नीता ठाकरे म्हणाल्या, ‘याप्रकरणी चौकशी सुरू करण्यात आली. तब्बल १७ जणांचे बयानसुद्धा घेण्यात आले आहे.’
यावर बलकवडे म्हणाल्या, ‘पाटील दोषी आढळल्यास त्यांना निलंबित करण्यापेक्षा त्यांच्यावर थेट बडतर्फीची कारवाई केली जाईल, यामुळे अशा प्रकारांना आळा बसेल.’
पाटील सुटीवर
याप्रकरणी १२ नोव्हेंबर रोजी चौकशी सुरू करण्यात आली. १३ नोव्हेंबर रोजी पाटील यांनी सुटी घेतली. पुढे १४ नोव्हेंबरपासून वैद्यकीय रजेवर गेले. त्यांची १३ तारखेची रजा का मंजूर करण्यात आली, असाही प्रश्न उपस्थित केला जात आहे.
महिला ग्रामसेवकाने आपल्याविरुद्ध तक्रार दिल्याचे समजताच रामटेक पंचायत समितीचे विस्तार अधिकारी सी. एम. पाटील आजारी पडले असून वैद्यकीय रजेवर गेले आहेत. यादरम्यान, जिल्हापरिषद प्रशासनाने पाटील यांना नोटीस पाठविली आहे. तीन दिवसांत या नोटीसीचे उत्तर न दिल्यास प्रशासनाने एकतर्फी कारवाईची तयारी केल्याची माहिती प्राप्त झाली आहे. गेल्या आठवड्यात जिल्हापरिषदेच्या सर्वसामान्य सभेतसुद्धा हा मुद्दा गाजला होता. त्यावेळी सीईओ कादंबरी बलकवडे यांनी पाटील यांच्यावर बडतर्फीचीही कारवाई होऊ शकते, असा इशारा दिला होता, हे विशेष.
‘विस्तार अधिकारी आपल्याला ग्रामपंचायतचे रेकॉर्ड तपासायचे आहेत म्हणून वारंवार फोन करतात, सतत आपल्या व्यक्तिगत आयुष्यावरून टोमणे मारतात आणि ग्रामपंचायत सदस्यांसमोर अपशब्द वापरतात, त्यामुळे या विस्तार अधिकाऱ्यावर कारवाई करण्यात यावी’, अशा आशयाची तक्रार एका आदिवासी महिला ग्रामसेवकाने केली. गेल्या आठवड्यात झालेल्या बुधवारी जिल्हापरिषदेच्या सर्वसाधारण सभेत हा विषय गाजला. या प्रकरणाची चौकशी सुरू असून, विस्तार अधिकारी दोषी आढळल्यास त्याच्यावर बडतर्फीची कारवाई केली जाईल, असे आश्वासन जि.प. सीईओ कादंबरी बलकवडे
यांनी दिले.
ही महिला रामटेक येथील पंचायत समिती येथे गेल्या नऊ वर्षांपासून ग्रामसेवक पदावर कार्यरत आहे. सध्या ही महिला महादुला ग्राम पंचायत येथे कार्यरत आहे. रामटेक पंचायत समितीचे विस्तार अधिकारी सी. एम. पाटील यांच्याविरुद्ध या महिलेने तक्रार केली आहे. ‘मला तुझ्या ग्रामपंचायतचे रेकॉर्ड तपासायचे आहेत’, म्हणून पाटील आपल्याला वारंवार फोन करतात. ग्रामपंचायतीत आल्यावर रेकॉर्ड न तपासता आपल्या वैयक्तिक आयुष्यावर टोमणे मारतात. सतत व्हॉट्सअॅपवरून मेसेजेस पाठवितात तसेच आपल्याला रिप्लाय करण्याकरिता हट्ट धरतात. नेहमी ग्रामपंचायत सदस्यांसमोर अपशब्द वापरतात. यामुळे आपली प्रतिमा खराब होत आहे. त्यामुळे पाटील यांच्यावर कारवाई करण्यात यावी,’ अशी तक्रार या महिलेने जिल्हा परिषदेचे उपाध्यक्ष शरद डोणेकर यांच्याकडे केली आहे. आपण आदिवासी असल्याने आपल्याला मानसिक त्रास दिला जात असल्याचाही आरोप या महिलेने केला आहे.
सर्वसामान्य सभेतसुद्धा हा मुद्दा गाजला. यावर उत्तर देताना बांधकाम विभागाच्या प्रमुख नीता ठाकरे म्हणाल्या, ‘याप्रकरणी चौकशी सुरू करण्यात आली. तब्बल १७ जणांचे बयानसुद्धा घेण्यात आले आहे.’
यावर बलकवडे म्हणाल्या, ‘पाटील दोषी आढळल्यास त्यांना निलंबित करण्यापेक्षा त्यांच्यावर थेट बडतर्फीची कारवाई केली जाईल, यामुळे अशा प्रकारांना आळा बसेल.’
पाटील सुटीवर
याप्रकरणी १२ नोव्हेंबर रोजी चौकशी सुरू करण्यात आली. १३ नोव्हेंबर रोजी पाटील यांनी सुटी घेतली. पुढे १४ नोव्हेंबरपासून वैद्यकीय रजेवर गेले. त्यांची १३ तारखेची रजा का मंजूर करण्यात आली, असाही प्रश्न उपस्थित केला जात आहे.