नागपूर : तडीपार असतानाही तलवारीसह कश्मिरी गल्ली येथे गोंधळ घालणाऱ्या गुंडाला पाचपावली पोलिसांनी अटक केली. त्याच्याकडून तलवार जप्त करण्यात आली. ओमप्रकाश ऊर्फ ओमी अजितकुमार रुगवानी (वय २९, रा. विदर्भ पॅलेस अपार्टमेंट, पाचपावली) असे अटकेतील गुंडाचे नाव आहे. ओमप्रकाश याच्याविरुद्ध मारहाण, शिवीगाळ धमकी देण्यासह अनेक गुन्हे दाखल आहेत. पोलिस उपायुक्त राहुल माकणीकर यांनी ११ डिसेंबर २०१७ ला ओमप्रकाश याला दोन वर्षांसाठी शहरातून तडीपार केले. तडीपार असतानाही तो नागपुरात येऊन तलवारीसह गोंधळ घालत होता. याबाबत कळताच पाचपावली पोलिस स्टेशनचे वरिष्ठ पोलिस निरीक्षक अशोक मेश्राम यांच्या नेतृत्वात पाचपाचली पोलिसांनी सापळा रचून ओमप्रकाश याला तलवारीसह अटक केली.
तडीपार गुंडाला तलवारीसह अटक
तडीपार असतानाही तलवारीसह कश्मिरी गल्ली येथे गोंधळ घालणाऱ्या गुंडाला पाचपावली पोलिसांनी अटक केली त्याच्याकडून तलवार जप्त करण्यात आली...
महाराष्ट्र टाइम्स.कॉम 27 Sep 2019, 4:00 am