पंकज मोहरीर, चंद्रपूर
करोनाच्या संकटामुळे ताडोबा व्याघ्रप्रकल्प बंद असल्याने पर्यटकांसाठी ऑनलाइन पर्यटनाचा प्रयोग राबविला जात आहे. याला पर्यटकांचा प्रतिसाद मिळत असून दोन भाग मिळून सुमारे २१ हजारांवर वन्यप्रेमींनी ताडोब्यातील ऑनलाइन जंगल सफारीचा आनंद घेतला आहे.
मागील वर्षी करोनाच्या पहिल्या लाटेमुळे व्याघ्रपर्यटन पूर्णपणे बंद झाले. पर्यटकांचा हिरमोड होऊ नये, वन्यप्रेमींना सफारीचा आनंद लॉकडाउन काळातही लुटता यावा म्हणून आता ताडोबा -अंधारी व्याघ्रप्रकल्प व्यवस्थापनाने मागील वर्षी ताडोब्याची अपडेट ऑनलाइन सफारी यु-ट्यूबच्या माध्यमातून सुरू केली होती. दक्षिण आफ्रिकेतील क्युगर नॅशनल पार्कने असा उपक्रम सर्वप्रथम राबविला होता. भारतात हा प्रयोग ताडोब्याने रूजविला. यु-ट्युबच्या माध्यमातून केलेला हा देशातील पहिलाच प्रयोग ठरला होता. आता करोनाच्या दुसऱ्या लाटेमुळे यंदाही राष्ट्रीय व्याघ्रप्रकल्पांत पर्यटक जाऊ शकले नाहीत. त्यामुळे व्यवस्थापनाने पुन्हा एकदा ऑनलाइन पर्यटनाचा उपक्रम सुरू केला आहे. २४ एप्रिल रोजी या सफारीचा पहिला भाग आला आहे.
ताडोबा-अंधारी व्याघ्रप्रकल्पातील कोअर व बफर क्षेत्रातील विविधांगी वन्यप्राण्यांचे दर्शन, पक्षी, त्यांच्या आवाजाचा किलबिलाट व निसर्गसौंदर्याचे दर्शन वन्यप्रेमींना झाले आहे. या सफारीचे दोन भाग आले असून पहिल्या भागाला तब्बल १७ हजार, तर दुसऱ्या भागाला आतापर्यंत चार हजार वन्यप्रेमींनी बघितले आहे. परिणामी दहा दिवसांत दोन भाग मिळून तब्बल २१ हजार लोकांनी ऑनलाइन सफारी केली आहे. त्यात आणखी वाढ होण्याचा विश्वास प्रकल्प व्यवस्थापनाने व्यक्त केला आहे.
दोन्ही भागात व्याघ्रदर्शन
वन अधिकारी व कर्मचारी आदल्या दिवशी सफारी करून ताडोब्यातील सफारीचा भाग चित्रित करतात. शुक्रवार आणि शनिवारी हे चित्रिकरण वन्यप्रेमींसाठी उपलब्ध केले जातो. या दोन्ही भागात व्याघ्रदर्शन झाले आहे. करोनामुळे चार भिंतीत कैद झालेल्यांना वन्यजीव आणि निसर्गसौंदर्याचा आस्वाद आल्हाद देणारा ठरत आहे.
आगरझरी 'लय भारी'
'स्टे होम, स्टे सेफ' असा करोना संकटकाळात महत्त्वाचा संदेश देत बफरच्या आगरझरी भागातील सफारी 'लय भारी' ठरली. पर्यटकांना या भागात घडणारे व्याघ्रदर्शन महत्त्वपूर्ण ठरले आहे. ताडोब्यात मागील वर्षभरात सुमारे १ लाख ६५ हजारांहून जास्त पर्यटकांनी हजेरी लावलेली आहे. करोनाच्या संकटातही व्याघ्रपर्यटनात आपला अव्वल क्रमांक कायम राखला होता. आता ऑनलाइनमध्येही पर्यटकांनी पसंती मिळू लागल्याचे प्रकल्पातील अधिकाऱ्यांनी सांगितले.
करोनाच्या संकटामुळे ताडोबा व्याघ्रप्रकल्प बंद असल्याने पर्यटकांसाठी ऑनलाइन पर्यटनाचा प्रयोग राबविला जात आहे. याला पर्यटकांचा प्रतिसाद मिळत असून दोन भाग मिळून सुमारे २१ हजारांवर वन्यप्रेमींनी ताडोब्यातील ऑनलाइन जंगल सफारीचा आनंद घेतला आहे.
मागील वर्षी करोनाच्या पहिल्या लाटेमुळे व्याघ्रपर्यटन पूर्णपणे बंद झाले. पर्यटकांचा हिरमोड होऊ नये, वन्यप्रेमींना सफारीचा आनंद लॉकडाउन काळातही लुटता यावा म्हणून आता ताडोबा -अंधारी व्याघ्रप्रकल्प व्यवस्थापनाने मागील वर्षी ताडोब्याची अपडेट ऑनलाइन सफारी यु-ट्यूबच्या माध्यमातून सुरू केली होती. दक्षिण आफ्रिकेतील क्युगर नॅशनल पार्कने असा उपक्रम सर्वप्रथम राबविला होता. भारतात हा प्रयोग ताडोब्याने रूजविला. यु-ट्युबच्या माध्यमातून केलेला हा देशातील पहिलाच प्रयोग ठरला होता. आता करोनाच्या दुसऱ्या लाटेमुळे यंदाही राष्ट्रीय व्याघ्रप्रकल्पांत पर्यटक जाऊ शकले नाहीत. त्यामुळे व्यवस्थापनाने पुन्हा एकदा ऑनलाइन पर्यटनाचा उपक्रम सुरू केला आहे. २४ एप्रिल रोजी या सफारीचा पहिला भाग आला आहे.
ताडोबा-अंधारी व्याघ्रप्रकल्पातील कोअर व बफर क्षेत्रातील विविधांगी वन्यप्राण्यांचे दर्शन, पक्षी, त्यांच्या आवाजाचा किलबिलाट व निसर्गसौंदर्याचे दर्शन वन्यप्रेमींना झाले आहे. या सफारीचे दोन भाग आले असून पहिल्या भागाला तब्बल १७ हजार, तर दुसऱ्या भागाला आतापर्यंत चार हजार वन्यप्रेमींनी बघितले आहे. परिणामी दहा दिवसांत दोन भाग मिळून तब्बल २१ हजार लोकांनी ऑनलाइन सफारी केली आहे. त्यात आणखी वाढ होण्याचा विश्वास प्रकल्प व्यवस्थापनाने व्यक्त केला आहे.
दोन्ही भागात व्याघ्रदर्शन
वन अधिकारी व कर्मचारी आदल्या दिवशी सफारी करून ताडोब्यातील सफारीचा भाग चित्रित करतात. शुक्रवार आणि शनिवारी हे चित्रिकरण वन्यप्रेमींसाठी उपलब्ध केले जातो. या दोन्ही भागात व्याघ्रदर्शन झाले आहे. करोनामुळे चार भिंतीत कैद झालेल्यांना वन्यजीव आणि निसर्गसौंदर्याचा आस्वाद आल्हाद देणारा ठरत आहे.
आगरझरी 'लय भारी'
'स्टे होम, स्टे सेफ' असा करोना संकटकाळात महत्त्वाचा संदेश देत बफरच्या आगरझरी भागातील सफारी 'लय भारी' ठरली. पर्यटकांना या भागात घडणारे व्याघ्रदर्शन महत्त्वपूर्ण ठरले आहे. ताडोब्यात मागील वर्षभरात सुमारे १ लाख ६५ हजारांहून जास्त पर्यटकांनी हजेरी लावलेली आहे. करोनाच्या संकटातही व्याघ्रपर्यटनात आपला अव्वल क्रमांक कायम राखला होता. आता ऑनलाइनमध्येही पर्यटकांनी पसंती मिळू लागल्याचे प्रकल्पातील अधिकाऱ्यांनी सांगितले.