म.टा.विशेष प्रतिनिधी,नागपूर
ताजबाग येथील ऊर्स हे हिंदू-मुस्लिम ऐक्याचे प्रतीक असल्याचे प्रतिपादन महापौर नंदा जिचकार यांनी केले. ताजबाग येथे संत ताजुद्दीन बाबाच्या पुण्यतिथीनिमित्त ऊर्सचे आयोजन करण्यात आले. बुधवार, ३ ऑक्टोबरपासून ऊर्सला प्रारंभ झाला. १२ ऑक्टोबरपर्यंत ऊर्स चालेल.
ऊर्स प्रारंभप्रसंगी क्रीडा समिती सभापती नागेश सहारे, नेहरूनगर झोन सभापती रिता मुळे, नगरसेविका स्नेहल बिहारे, अतिरिक्त आयुक्त अझीझ शेख, झोन सहायक आयुक्त राजेश कराडे, मौलाना अब्दूल रशीद, मुफ्ती जामिया अरेबिया, अश्विन नूतन कुमार, प्रशासक गुणवंत कुबडे, माजी नगरसेवक अमनउल्ला खान प्रामुख्याने उपस्थित होते. महापौर म्हणाल्या, ताजबाग हे नागपुरातील पवित्र धार्मिक स्थळ आहे. ताजबागला ऐतिहासिक महत्त्व आहे. संत ताजुद्दीन बाबांच्या पवित्र पदस्पर्शाने पावन झालेली ही भूमी आहे. ऊर्सदरम्यान लागणाऱ्या मदतीसाठी मनपाची यंत्रणा सज्ज आहे. काही आवश्यकता पडल्यास मनपा प्रशासन सर्वतोपरी मदत करेल, अशी ग्वाही महापौरांनी यावेळी दिली. ऊर्ससाठी महानगरपालिकेने केलेल्या व्यवस्थेची पाहणी यावेळी महापौर नंदा जिचकार यांनी केली. भाविकांची कुठलीही गैरसोय होणार नाही याची विशेष काळजी घ्यावी, असे निर्देशही त्यांनी दिले. प्रारंभी ताजबाग येथील ताजुद्दीन बाबांच्या दर्ग्याला महापौर व इतर मान्यवरांनी भेट दिली.
ताजबाग येथील ऊर्स हे हिंदू-मुस्लिम ऐक्याचे प्रतीक असल्याचे प्रतिपादन महापौर नंदा जिचकार यांनी केले. ताजबाग येथे संत ताजुद्दीन बाबाच्या पुण्यतिथीनिमित्त ऊर्सचे आयोजन करण्यात आले. बुधवार, ३ ऑक्टोबरपासून ऊर्सला प्रारंभ झाला. १२ ऑक्टोबरपर्यंत ऊर्स चालेल.
ऊर्स प्रारंभप्रसंगी क्रीडा समिती सभापती नागेश सहारे, नेहरूनगर झोन सभापती रिता मुळे, नगरसेविका स्नेहल बिहारे, अतिरिक्त आयुक्त अझीझ शेख, झोन सहायक आयुक्त राजेश कराडे, मौलाना अब्दूल रशीद, मुफ्ती जामिया अरेबिया, अश्विन नूतन कुमार, प्रशासक गुणवंत कुबडे, माजी नगरसेवक अमनउल्ला खान प्रामुख्याने उपस्थित होते. महापौर म्हणाल्या, ताजबाग हे नागपुरातील पवित्र धार्मिक स्थळ आहे. ताजबागला ऐतिहासिक महत्त्व आहे. संत ताजुद्दीन बाबांच्या पवित्र पदस्पर्शाने पावन झालेली ही भूमी आहे. ऊर्सदरम्यान लागणाऱ्या मदतीसाठी मनपाची यंत्रणा सज्ज आहे. काही आवश्यकता पडल्यास मनपा प्रशासन सर्वतोपरी मदत करेल, अशी ग्वाही महापौरांनी यावेळी दिली. ऊर्ससाठी महानगरपालिकेने केलेल्या व्यवस्थेची पाहणी यावेळी महापौर नंदा जिचकार यांनी केली. भाविकांची कुठलीही गैरसोय होणार नाही याची विशेष काळजी घ्यावी, असे निर्देशही त्यांनी दिले. प्रारंभी ताजबाग येथील ताजुद्दीन बाबांच्या दर्ग्याला महापौर व इतर मान्यवरांनी भेट दिली.