म.टा. विशेष प्रतिनिधी, नागपूर
शहरात सध्या घरोघरी सर्दी, खोकला, तापाचे रुग्ण आढळत आहेत. आपल्याला झालेली साधी सर्दी किंवा व्हायरल आहे असा विश्वास असतानाच दुसऱ्याला झालेला मात्र ओमायक्रॉन असू शकतो, अशी शंका एकमेकांवर घेतली जाऊ लागली आहे.
करोनाचा ओमायक्रॉन हा प्रकार वेगाने पसरतो. त्यामुळे रुग्णसंख्या रोज झपाट्याने वाढत आहे. जे आकडे येत आहेत, ते चाचणी केलेल्यांचे आहेत, ज्यांना लक्षणे आहेत पण चाचणी केली नाही त्यांची संख्या त्याहून कितीतरी अधिक आहे. मुळात लक्षणे असणाऱ्या प्रत्येकानेच चाचणी करण्याची गरज नाही. ज्याने लशीचे दोन्ही डोस घेतले नसतील, इतर गंभीर आजार असतील किंवा वय जास्त असेल त्यांनी मात्र करोना चाचणी केली पाहिजे, असे तज्ज्ञ सांगतात. नेहमीचे व्हायरल व ओमायक्रॉन यांची लक्षणे जवळपास सारखीच आहेत. त्यामुळे औषध सर्दी-खोकल्याचे घेत असले तरी अनेकांच्या मनात मात्र शंका ओमायक्रॉनची आहे.
ही लक्षणे आढळणाऱ्यांध्ये सर्वच वयोगटातील लोक आहेत. यातील अनेकांनी करोना चाचणी केली. मात्र, ती निगेटिव्ह आालेल्यांची संख्याही मोठी आहे. त्यामुळे प्रत्येकच सर्दी- खोकला म्हणजे करोना असेलच, असे समजण्याचे कारण नाही. मात्र, काळजी व औषध घेण्याचे, मास्क वापरण्याचे, विलगीकरणात राहण्याचे आवाहन तज्ज्ञांनी केले आहे.
मागच्याच आठवड्यात शहरात पाऊस झाला होता आणि आता पुढील दोन दिवस पुन्हा पावसाचा इशारा हवामान खात्याने दिला आहे. हे वातावरण सर्दी-खोकल्यासाठी पोषक आहे. या बदललेल्या वातावरणामुळेही रुग्ण वाढले आहेत. त्यामुळे सर्दी-खोकल्याच्या औषधांच्या मागणीतही तीस ते चाळीस टक्क्यांनी वाढ झाली असल्याचे औषध विक्रेते दर्पण भोयर यांनी सांगितले.
बेफिकिरी नकोच!
स्वत:च विलगीकरण करून अनेक रुग्ण बरे होत आहेत. घरगुती उपचार करीत चाचणी टाळण्याकडे अनेकांचा कल आहे. मृत्यूचे प्रमाण कमी असल्याने नागरिकांची बेफिकिरीही दिसते. जेवढे सक्रिय रुग्णांचे आकडे प्रशासनाने जाहीर केले, त्याच्या दुपटीने ते असू शकतात. त्यामुळे काळजी घेणे आवश्यक असल्याचे प्रशासनाने म्हटले आहे.
शहरात सध्या घरोघरी सर्दी, खोकला, तापाचे रुग्ण आढळत आहेत. आपल्याला झालेली साधी सर्दी किंवा व्हायरल आहे असा विश्वास असतानाच दुसऱ्याला झालेला मात्र ओमायक्रॉन असू शकतो, अशी शंका एकमेकांवर घेतली जाऊ लागली आहे.
करोनाचा ओमायक्रॉन हा प्रकार वेगाने पसरतो. त्यामुळे रुग्णसंख्या रोज झपाट्याने वाढत आहे. जे आकडे येत आहेत, ते चाचणी केलेल्यांचे आहेत, ज्यांना लक्षणे आहेत पण चाचणी केली नाही त्यांची संख्या त्याहून कितीतरी अधिक आहे. मुळात लक्षणे असणाऱ्या प्रत्येकानेच चाचणी करण्याची गरज नाही. ज्याने लशीचे दोन्ही डोस घेतले नसतील, इतर गंभीर आजार असतील किंवा वय जास्त असेल त्यांनी मात्र करोना चाचणी केली पाहिजे, असे तज्ज्ञ सांगतात. नेहमीचे व्हायरल व ओमायक्रॉन यांची लक्षणे जवळपास सारखीच आहेत. त्यामुळे औषध सर्दी-खोकल्याचे घेत असले तरी अनेकांच्या मनात मात्र शंका ओमायक्रॉनची आहे.
ही लक्षणे आढळणाऱ्यांध्ये सर्वच वयोगटातील लोक आहेत. यातील अनेकांनी करोना चाचणी केली. मात्र, ती निगेटिव्ह आालेल्यांची संख्याही मोठी आहे. त्यामुळे प्रत्येकच सर्दी- खोकला म्हणजे करोना असेलच, असे समजण्याचे कारण नाही. मात्र, काळजी व औषध घेण्याचे, मास्क वापरण्याचे, विलगीकरणात राहण्याचे आवाहन तज्ज्ञांनी केले आहे.
मागच्याच आठवड्यात शहरात पाऊस झाला होता आणि आता पुढील दोन दिवस पुन्हा पावसाचा इशारा हवामान खात्याने दिला आहे. हे वातावरण सर्दी-खोकल्यासाठी पोषक आहे. या बदललेल्या वातावरणामुळेही रुग्ण वाढले आहेत. त्यामुळे सर्दी-खोकल्याच्या औषधांच्या मागणीतही तीस ते चाळीस टक्क्यांनी वाढ झाली असल्याचे औषध विक्रेते दर्पण भोयर यांनी सांगितले.
बेफिकिरी नकोच!
स्वत:च विलगीकरण करून अनेक रुग्ण बरे होत आहेत. घरगुती उपचार करीत चाचणी टाळण्याकडे अनेकांचा कल आहे. मृत्यूचे प्रमाण कमी असल्याने नागरिकांची बेफिकिरीही दिसते. जेवढे सक्रिय रुग्णांचे आकडे प्रशासनाने जाहीर केले, त्याच्या दुपटीने ते असू शकतात. त्यामुळे काळजी घेणे आवश्यक असल्याचे प्रशासनाने म्हटले आहे.