भंडारा : तुमसर मार्गावरील खरबीजवळील सद्गुरू कंपनीनजीक चोरट्यांनी सराफा दुकानदावर प्राणघातक हल्ला करून सात लाख रुपये पळवून नेले़ घनश्याम श्रीराम पुंडे (४२) रा़ मांगली यांचे मोहाडी येथे जगदंबा ज्वेलर्सचे दुकान आहे़ पुंडे हे शुक्रवारी रात्री दुकान बंद करून मांगली येथे दुचाकीने जात असताना रात्री ८.१५ वाजताच्या सुमारास तुमसर- भंडारा मार्गावर खरबी शिवारात सद्गुरू टाइल्स कंपनीजवळ दोन अनोळखी व्यक्तींनी प्राणघातक हल्ला करून बॅग हिसकावली़ बॅगमध्ये ७ लाख २१ हजार रुपयांचे २०७ ग्रॅम सोन्याचे दागिने तसेच ७० हजार रुपये रोख होते़ रस्त्याच्या कडेला जखमी अवस्थेत पडलेल्या पुंडे यांना काही नागरिकांनी तुमसर येथील रुग्णालयात दाखल केले़ यापूर्वीसुद्धा त्यांच्यावर असाच प्रसंग ओढावला होता, हे विशेष़ मोहाडी पोलिसांनी गुन्हा नोंद केला असून अधिक तपास पोलिस उपनिरीक्षक ओमप्रकाश गेडाम व हवालदार वरकडे करीत आहेत़
सराफा दुकानदाराचे सात लाख पळविले
तुमसर मार्गावरील खरबीजवळील सद्गुरू कंपनीनजीक चोरट्यांनी सराफा दुकानदावर प्राणघातक हल्ला करून सात लाख रुपये पळवून नेले़ घनश्याम श्रीराम पुंडे (४२) रा़ मांगली यांचे मोहाडी येथे जगदंबा ज्वेलर्सचे दुकान आहे.
Maharashtra Times 20 Feb 2018, 2:58 pm