नागपूर : जिल्ह्यात कपाशीवरील गुलाबी बोंडअळीचा प्रादुर्भाव यावर्षीदेखील दिसून येत आहे. क्रॉपसॅप योजनेद्वारे शेतकऱ्यांना बोंडअळीपासून बचावासंबंधी मार्गदर्शन केले जात असले तरी अळीचा प्रादुर्भाव कमी होत नसल्याने शेतकऱ्यांनी सांघिक एकात्मिक उपाययोजनांवर भर देण्याचे आवाहन जिल्हाधिकारी अश्विन मुदगल यांनी केले आहे. कृषी विभागामार्फत करण्यात आलेल्या सर्वेक्षणानुसार बीटी बियाणांसोबत ज्या शेतकऱ्यांनी बियाणे कंपनीमार्फत देण्यात आलेल्या रिफूजी बियाणांचा वापर केला त्यांच्या शेतात पिकांवर गुलाबी बोंडअळीचा प्रादुर्भाव दिसून आला आहे. विभागाने क्रॉपसॅप ॲपद्वारे ही माहिती उपलब्ध करून दिल्याने संबंधीत शेतकऱ्यांना पिकाच्या बचावासाठी मार्गदर्शन केले जात आहे. शासनाच्यावतीने गुलाबी बोंडअळी नियंत्रण कार्यक्रम यशस्वीपणे राबविण्यासाठी जिल्हाधिकारी स्तरीय समिती गठीत करण्यात आली आहे. कीटकनाशकाची फवारणी करतांना संरक्षक कपडे, पूर्ण बाह्याचे शर्ट, बुट, हातमोजे, नाकावर मास्क किंवा रुमाल बांधणे, डोळ्यावर चष्मा लावून हवेच्या दिशेने सकाळी व सायंकाळी फवारणी करण्याचे आवाहन मुद्गल यांनी केले आहे.
बोंडअळीचे संकट यंदाही कायम
जिल्ह्यात कपाशीवरील गुलाबी बोंडअळीचा प्रादुर्भाव यावर्षीदेखील दिसून येत आहे...
Maharashtra Times 20 Aug 2018, 4:00 am