नागपूर:
दहावीच्या परीक्षेला अवघा एक आठवडा राहिला आहे. या शेवटच्या आठवड्यात विद्यार्थ्यांनी कसा अभ्यास करावा, याकरिता महत्त्वपूर्ण टिप्स दिल्या आहेत केशवनगर माध्यमिक विद्यालयाचे उपमुख्याध्यापक मिलींद भाकरे...
लांब पल्ल्याची दौड जिंकण्याकरिता आपला वेग प्रथम कमी ठेवावा लागतो. जसजशी वेळ संपत येते, तसतसा वेग वाढवावा लागतो. शेवटच्या फेरीत तर अंगातील सगळे बळ एकवटून शेवटची झेप घ्यायची असते. आपलीसुद्धा आता अभ्यासाची शेवटची झेप घेण्याची वेळ आली आहे. दहा दिवसांनंतर दहावीच्या प्रत्यक्ष परीक्षेला सामोरे जायचे आहे. उरलेल्या दिवसांत व प्रत्यक्ष परीक्षा सुरू असताना काय करावे, याचा थोडा विचार करूयात.
प्रत्येक विषयात महत्त्वाच्या व्याख्या, सूत्र, शब्द, काही विशेष प्रश्न, उतारे असतात. ते लिहून बघा, पाठ करा. लेखी परीक्षेत लेखनकलेला फार महत्त्व आहे. स्पष्ट, सुंदर आणि सुवाच्च अक्षर परीक्षेत महत्त्वाचे ठरते. प्रत्येक पाठातील महत्त्वपूर्ण भाग थोडक्यात पण समजावून घेऊन वाचा व लिहून ठेवा. विज्ञान व भूगोल या विषयांमध्ये आकृतीला फार महत्त्व आहे. आकृतीतील प्रत्येक भागाची नावे लक्षात ठेवा. आकृतीवरून वर्णन करण्याचा सराव करा.
इंग्रजीसाठी काळ नीट लिहिले तरच गुण मिळतील. इंग्रजीचे व्याकरण ‘व्हॉइस’ आणि ‘नॅरेशन’ हेसुद्धा ‘टेन्स’च्या आधारे स्पष्ट होतात. त्यामुळे काळाचा नीट अभ्यास करा.
मागील वर्षांच्या प्रश्नपत्रिकेत विचारलेले प्रश्न सोडवून बघा व शिक्षकांकडून तपासून घ्या. मराठी, हिंदी या विषयांतील पाठांचे लेखक, कवी यांची नावे तसेच त्यांचे लेखनसंग्रह यांची यादी तयार करा, स्मरणात ठेवा. इतिहासातील घटना, त्यांचे ठिकाण यांचा तक्ता तयार करून ठेवा.
पेपर सोडविताना...
उत्तरपत्रिकेत नीट आठवणारे उत्तर योग्य क्रमांक घालून आधी लिहा, म्हणजे आत्मविश्वास वाढेल व कठीण प्रश्नदेखील सोडविता येऊ शकतील. परीक्षेची भीती बाळगू नका. कारण, लाखो विद्यार्थी दरवर्षी ही परीक्षा देतात. आपल्याला येत असलेल्या गोष्टी, आपला अभ्यास अधिक आकर्षक पद्धतीने मांडता आला पाहिजे. यामुळे पेपर चांगला दिसतो व जास्त गुण मिळण्याची शक्यता असते. सर्व विषयांच्या कृतीपत्रिकांमधील कृती नीट आखा, पूर्ण करा व त्यांचा सराव करून ठेवा. अपयशाची भीती बाळगू नका, कोणतेच अपयश हे नेहमीकरिता नसते. आई-वडील, शिक्षक यांची मदत घ्या. परीक्षेतील यशाकरिता शुभकामना.
काही गोष्टी लक्षात ठेवण्यासारख्या...
- गणित व विज्ञान यांसारख्या विषयांमध्ये सूत्रांचे संग्रह व पाठांतर फार उपयोगी पडते.
- महत्त्वपूर्ण शब्द, वाक्ये यांना पेन्सिलीने चिन्हांकित करा. यामुळे पाठातील महत्त्वपूर्ण भागांची उजळणी करणे सोपे होते.
- परीक्षेला कमी दिवस उरल्याने अभ्यासाचा वेळ वाया जाऊ देऊ नका.
-स्मरणात चांगल्या पद्धतीने राहावे म्हणून वाचन करताना लयीत वाचा.
- थकवा भरून काढण्यासाठी पुरेशी झोप घ्या.
-अभ्यासात रस घ्या, नकारात्मक विचारांपासून दूर राहा.
दहावीच्या परीक्षेला अवघा एक आठवडा राहिला आहे. या शेवटच्या आठवड्यात विद्यार्थ्यांनी कसा अभ्यास करावा, याकरिता महत्त्वपूर्ण टिप्स दिल्या आहेत केशवनगर माध्यमिक विद्यालयाचे उपमुख्याध्यापक मिलींद भाकरे...
लांब पल्ल्याची दौड जिंकण्याकरिता आपला वेग प्रथम कमी ठेवावा लागतो. जसजशी वेळ संपत येते, तसतसा वेग वाढवावा लागतो. शेवटच्या फेरीत तर अंगातील सगळे बळ एकवटून शेवटची झेप घ्यायची असते. आपलीसुद्धा आता अभ्यासाची शेवटची झेप घेण्याची वेळ आली आहे. दहा दिवसांनंतर दहावीच्या प्रत्यक्ष परीक्षेला सामोरे जायचे आहे. उरलेल्या दिवसांत व प्रत्यक्ष परीक्षा सुरू असताना काय करावे, याचा थोडा विचार करूयात.
प्रत्येक विषयात महत्त्वाच्या व्याख्या, सूत्र, शब्द, काही विशेष प्रश्न, उतारे असतात. ते लिहून बघा, पाठ करा. लेखी परीक्षेत लेखनकलेला फार महत्त्व आहे. स्पष्ट, सुंदर आणि सुवाच्च अक्षर परीक्षेत महत्त्वाचे ठरते. प्रत्येक पाठातील महत्त्वपूर्ण भाग थोडक्यात पण समजावून घेऊन वाचा व लिहून ठेवा. विज्ञान व भूगोल या विषयांमध्ये आकृतीला फार महत्त्व आहे. आकृतीतील प्रत्येक भागाची नावे लक्षात ठेवा. आकृतीवरून वर्णन करण्याचा सराव करा.
इंग्रजीसाठी काळ नीट लिहिले तरच गुण मिळतील. इंग्रजीचे व्याकरण ‘व्हॉइस’ आणि ‘नॅरेशन’ हेसुद्धा ‘टेन्स’च्या आधारे स्पष्ट होतात. त्यामुळे काळाचा नीट अभ्यास करा.
मागील वर्षांच्या प्रश्नपत्रिकेत विचारलेले प्रश्न सोडवून बघा व शिक्षकांकडून तपासून घ्या. मराठी, हिंदी या विषयांतील पाठांचे लेखक, कवी यांची नावे तसेच त्यांचे लेखनसंग्रह यांची यादी तयार करा, स्मरणात ठेवा. इतिहासातील घटना, त्यांचे ठिकाण यांचा तक्ता तयार करून ठेवा.
पेपर सोडविताना...
उत्तरपत्रिकेत नीट आठवणारे उत्तर योग्य क्रमांक घालून आधी लिहा, म्हणजे आत्मविश्वास वाढेल व कठीण प्रश्नदेखील सोडविता येऊ शकतील. परीक्षेची भीती बाळगू नका. कारण, लाखो विद्यार्थी दरवर्षी ही परीक्षा देतात. आपल्याला येत असलेल्या गोष्टी, आपला अभ्यास अधिक आकर्षक पद्धतीने मांडता आला पाहिजे. यामुळे पेपर चांगला दिसतो व जास्त गुण मिळण्याची शक्यता असते. सर्व विषयांच्या कृतीपत्रिकांमधील कृती नीट आखा, पूर्ण करा व त्यांचा सराव करून ठेवा. अपयशाची भीती बाळगू नका, कोणतेच अपयश हे नेहमीकरिता नसते. आई-वडील, शिक्षक यांची मदत घ्या. परीक्षेतील यशाकरिता शुभकामना.
काही गोष्टी लक्षात ठेवण्यासारख्या...
- गणित व विज्ञान यांसारख्या विषयांमध्ये सूत्रांचे संग्रह व पाठांतर फार उपयोगी पडते.
- महत्त्वपूर्ण शब्द, वाक्ये यांना पेन्सिलीने चिन्हांकित करा. यामुळे पाठातील महत्त्वपूर्ण भागांची उजळणी करणे सोपे होते.
- परीक्षेला कमी दिवस उरल्याने अभ्यासाचा वेळ वाया जाऊ देऊ नका.
-स्मरणात चांगल्या पद्धतीने राहावे म्हणून वाचन करताना लयीत वाचा.
- थकवा भरून काढण्यासाठी पुरेशी झोप घ्या.
-अभ्यासात रस घ्या, नकारात्मक विचारांपासून दूर राहा.