नागपूर : शनिवारी सायंकाळी अचानक वादळी वाऱ्यासह आलेल्या पावसामुळे वर्धा मार्गावर मेट्रोचे काम सुरू असताना टॉवर क्रेन कोसळली. सुदैवाने यात कुठलीही जीवितहानी झाली नाही. मात्र, याच मार्गावर उभ्या असलेल्या दोन गाड्यांचे नुकसान झाले. हॉटेल रॅडिसन ब्लूजवळ मेट्रोच्या स्टेशननिर्मितीचे काम सुरू आहे. उंचावरील काम करण्यासाठी टॉवर क्रेनचा वापर करण्यात येत आहे. ही क्रेन १५ ते ३४ मीटर उंचावरील काम करू शकते. शनिवारी सायंकाळी सात वाजताच्या सुमारास आलेल्या वादळी वाऱ्याने ही क्रेन जमीनदोस्त झाली. या मार्गावर उभी असलेली दुचाकी आणि ऑटोरिक्षाचे यामुळे नुकसान झाले. क्रेन रस्त्यावर पडल्याने वाहतूक विस्कळीत झाली होती. महामेट्रोने काही काळ मार्ग बंद ठेऊन क्रेन उचलली. वाहतूक वळविण्यात आल्याने काही काळ नागरिकांना गैरसोय सहन करावी लागली.
मेट्रोची क्रेन पडली
शनिवारी सायंकाळी अचानक वादळी वाऱ्यासह आलेल्या पावसामुळे वर्धा मार्गावर मेट्रोचे काम सुरू असताना टॉवर क्रेन कोसळली...
Maharashtra Times 27 May 2018, 4:00 am