नागपूर : क्रिकेट बुकी राज ऊर्फ हृदयराज जोसेफ अलेक्झांडर (३५) याला खंडणीची मागणी केल्याप्रकरणी कुख्यात दिवाकर कोतुलवार याला मंगळवारी गुन्हेशाखेच्या खंडणीविरोधी पथकाने अटक केली. याप्रकरणात फरार असलेले कुख्यात स्वप्निल साळुंके, बुकी विक्की वाधवाणी रा. सागर, मध्यप्रदेश, बुकी राहुल ऊर्फ योगू रा. जरीपटका, इमानुबेल ऊर्फ आरीफ ऊर्फ भुऱ्या रा. जरीपटका, विलास पाटील रा. तिरंगा चौक, सक्करदरा आणि इतर सात जणांचा पोलिस शोध घेत आहेत. अडीच कोटींची खंडणी मागितल्या प्रकरणात साळुंके, कोतुलवासह सात जणांविरुद्ध गुन्हा दाखल करण्यात आला. त्यानंतर गुन्हा मागे घेण्यासाठी दिवाकर हा राजवर दबाव टाकत होता. याबाबत कळताच उपायुक्त गजानन राजमाने यांच्या मार्गदर्शनाखाली खंडणीविरोधी पथकाचे पोलिस निरीक्षक भारत क्षीरसागर व त्यांच्या सहकाऱ्यांनी सापळा रचून दिवाकरला अटक केली.
कुख्यात दिवाकर कोतुलवार गजाआड
क्रिकेट बुकी राज ऊर्फ हृदयराज जोसेफ अलेक्झांडर (३५) याला खंडणीची मागणी केल्याप्रकरणी कुख्यात दिवाकर कोतुलवार याला मंगळवारी गुन्हेशाखेच्या ...
महाराष्ट्र टाइम्स.कॉम 26 Mar 2020, 4:00 am