म.टा. प्रतिनिधी, नागपूर
ही घटना ६ सप्टेंबर २०१६ ला लाल इमली चौकात घडली होती. आर्किटेक्ट निमगडे यांच्यावर गोळ्या झाडून त्यांची हत्या करण्यात आली होती. पोलिसांच्या तपासावर असमाधान व्यक्त करीत निमगडे यांच्या कुटुंबीयांनी उच्च न्यायालयात याचिका दाखल केली. त्यावर उच्च न्यायालयाने या प्रकरणाचा तपास सीबीआयकडे वर्ग करण्याचे आदेश दिले होते. सीबीआयने २२ डिसेंबर २०२० रोजी तपास बंद करीत प्रथम श्रेणी न्यायदंडाधिकारी न्यायालयापुढे अहवाल सादर केला होता. त्यानंतर काही आरोपींवरील संशय बळावला.
क्लिक करा आणि वाचा- मुंबईकरांना दिलासा; आज दिवसभरात ४७८ करोना रुग्णांचे निदान, मृत्यू ९
नागपूर पोलिसांनी दिलेल्या माहितीच्या आधारावर सीबीआयने नव्याने तपास सुरू केला. निमगडेंचा मुलगा अॅड. अनुपम निमगडे यांनी दाखल केलेल्या याचिकेत सीबीआयच्या तपासाच्या गतीवर आक्षेप घेण्यात आला आहे. या प्रकरणाचा अहवाल प्रसार माध्यमांपर्यंत पोहोचू नये यामुळे न्यायालयाने सीबीआयला सीलबंद लिफाफ्यात हा अहवाल सादर करण्याचे आदेश दिलेत.
क्लिक करा आणि वाचा- राज्याला मोठा करोनादिलासा; आज ७,६०३ रुग्णांचे निदान, बरे होणारे रुग्ण दुपटीने अधिक
क्लिक करा आणि वाचा- पटोलेंवर पाळत का ठेवत आहेत, हे मुख्यमंत्री-उपमुख्यमंत्र्यांनी सांगावे: फडणवीस