नागपूर : राष्ट्रसंत तुकडोजी महाराज नागपूर विद्यापीठाचे कुलगुरू डॉ. सिद्धार्थविनायक काणे यांचा पाच वर्षांचा कार्यकाळ एप्रिल २०२०मध्ये पूर्ण होणार आहे. त्यापूर्वीच कुलगुरू निवड समिती स्थापन करण्याची प्रक्रिया सुरू होत आहे. विद्यापीठ कायद्यानुसार, समितीवर विद्वत परिषद व व्यवस्थापन परिषद यांच्यामार्फत नामित केलेल्या सदस्याची कुलपतींकडून नेमणूक करण्यात येते. त्या सदस्याची शिफारस करण्यासाठी विद्वत परिषद व व्यवस्थापन परिषदेची १२ नोव्हेंबर रोजी संयुक्त बैठक होत आहे. दरम्यान, राज्यात पुन्हा एकदा भाजप व शिवसेनेचे सरकार स्थापन होत आहे. त्यामुळे नागपूर विद्यापीठावर आपल्याच विचाराच्या व्यक्तीची कुलगुरू पदावर नेमणूक करण्यासाठी शिक्षण मंच आग्रही राहणार आहे. त्यामुळे विद्यापीठाकडून शिफारस होणाऱ्या निवड समिती सदस्य पदावर देखील मंचाकडूनच नाव सादर होण्याची शक्यता आहे. शिक्षण अथवा उद्योगक्षेत्रातील नामवंत व्यक्तीची समिती सदस्यासाठी शिफारस होईल, असे सूत्रांनी सांगितले. तेव्हा समितीवर कोणाची वर्णी लागणार त्याबाबत विद्यापीठ वर्तुळात चर्चा सुरू आहे.
कुलगुरू निवडप्रक्रिया होणार सुरू
राष्ट्रसंत तुकडोजी महाराज नागपूर विद्यापीठाचे कुलगुरू डॉ सिद्धार्थविनायक काणे यांचा पाच वर्षांचा कार्यकाळ एप्रिल २०२०मध्ये पूर्ण होणार आहे...
महाराष्ट्र टाइम्स.कॉम 1 Nov 2019, 4:00 am