नागपूर : छेड काढल्याचा समज झाल्याने एका महिलेने विमानतळावर चांगलाच गोंधळ घातला. ही घटना सोमवारी सकाळी घडली. अखेर हे प्रकरण सामोपचाराने मिटविण्यात आले. सोमवारी सकाळी दिल्लीहून एअर इंडियाच्या विमानाने महिला प्रवास करीत होती. ती पहिल्या रांगेतील सीटवर बसली होती. दुसऱ्या रांगेत एक पुरुष होता. याचदरम्यान त्याचा महिलेला धक्का लागला. त्याने छेड काढल्याचा समज महिलेचा झाला. त्यामुळे तिने गोंधळ घातला. अखेर मध्यस्थी करीत हे प्रकरण सामोपचाराने सोडविण्यात आले. महिलेने या प्रकाराची तक्रार दिली नाही, अशी माहिती सोनेगाव पोलिसांनी दिली. हा पुरुष बडा अधिकारी असल्याची माहिती आहे.
विमानतळावर महिलेचा गोंधळ
छेड काढल्याचा समज झाल्याने एका महिलेने विमानतळावर चांगलाच गोंधळ घातला ही घटना सोमवारी सकाळी घडली अखेर हे प्रकरण सामोपचाराने मिटविण्यात आले...
महाराष्ट्र टाइम्स.कॉम 18 Jun 2019, 4:00 am