नागपूर : लॉकडाउनमध्ये दारू न मिळाल्याने ३०वर्षीय युवकाने जाळून घेत आत्महत्या केल्याची खळबळजनक घटना अंबाझरी भागात उघडकीस आली. विकास असे मृताचे नाव आहे. दारू न मिळाल्याने नागपुरातील आत्महत्येची ही पाचवी घटना असल्याची माहिती आहे. पोलिसांकडून मिळालेल्या माहितीनुसार, विकास हा ऑटोचालक असून, तो सासऱ्यांकडे राहायचा. त्याला दारूचे व्यसन होते. लॉकडाउनमुळे त्याला दारू मिळाली नाही. त्यामुळे त्याचे मानसिक संतुलन बिघडले. २९ मार्चला मध्यरात्री त्याने अंगावर पेट्रोल टाकून जाळून घेतले. त्याला मेयो हॉस्पिटलमध्ये दाखल करण्यात आले. उपचारादरम्यान त्याचा मृत्यू झाला. मृत्युपूर्वी दिलेल्या बयाणातही त्याने दारू न मिळाल्याने जाळून घेतल्याचे म्हटले आहे. अंबाझरी पोलिसांनी आकस्मिक मृत्यूची नोंद करून तपास सुरू केला आहे.
दारू न मिळाल्याने युवकाने जाळून घेतले
लॉकडाउनमध्ये दारू न मिळाल्याने ३०वर्षीय युवकाने जाळून घेत आत्महत्या केल्याची खळबळजनक घटना अंबाझरी भागात उघडकीस आली विकास असे मृताचे नाव आहे...
महाराष्ट्र टाइम्स.कॉम 5 Apr 2020, 4:00 am