नागपूर : मृत्यूनंतर शांती, संतुष्टी,मोक्षप्राप्तीसाठी सर्वच समाजात मृत व्यक्तीच्या स्मृतीत तिसरा दिवस, तेरावी व चौदावी चा कार्यक्रम करून भोजनदान देण्याची सामाजिक, धार्मिक परंपरा आहे. मात्र, वाडी परिसरातील प्रा. सुभाष खाकसे यांनी आईच्या मृत्यूनंतर या पारंपरिक प्रथेला बगल देत स्थानिक धम्मकीर्तीनगर येथील डॉ. बाबासाहेब आंबेडकर ग्रंथालयाला विविध पुस्तके आणि कपाटाची भेट दिली. या प्रसंगी महाप्रज्ञा बुद्धविहारचे प्रमुख भदंतमहापंथ, नगरसेवक नरेंद्र मेंढे, ग्रंथालय समितीचे मनोहर गजभिये, राजेंद्र कांबळे, खांडेकर, पात्रे, ज्ञानेश्वर गोलाईत उपस्थित होते.
खाकसे परिवारातील महेंद्र खाकसे, रवींद्र खाकसे, विश्वनाथ अडकणे, दर्शन व आकाश अडकणे, संघमित्रा अंबादे, प्रज्ञा खाकसे, अर्चना खाकसे, याचना खाकसे, माया अडकणे उपस्थित होते. कार्यक्रमाचे संचालन राजेंद्र कांबळे यांनी केले. आभार मनोहर गजभिये यांनी मानले.
.........