म. टा. वृत्तसेवा, यवतमाळ
शेतकरी महिलेवर वाघाने हल्ला करून ठार केल्याची घटना केळापूर तालुक्यातील मीरा गावाजवळ घडली. या घटनेने परिसरातील गावकरी हादरले असून हंगामाचे दिवस असतानाही त्यांना घरी राहावे लागण्याची शक्यता निर्माण झाली आहे.
लक्ष्मी अजाबराव रामपुरे (५०) असे या शेतकरी महिलेचे नाव आहे. शनिवारी सायंकाळी गावापासून काही अंतरावर असलेल्या शेतावर काम करीत होती. तर तिचा पती अजाबराव हा बैलांना आणत होता. अचानक मागून आलेल्या वाघाने लक्ष्मी यांच्यावर हल्ला करून फरफडत नेण्याचा प्रयत्न केला. ही बाब त्यांचे पती अजाबराव यांना दिसून येताच त्यांनी आरडाओरड केली. वाघाच्या मागे धावत सुटले. त्यामुळे वाघाने महिलेला सोडून झुडपात जावून बसला. आपल्यावरही वाघ हल्ला करणार म्हणून अजाबराव यांनी मदतीसाठी धाव घेतली. काही लोकांना गोळा करून आणल्यानंतर पत्नीचा शोध घेतला असता लक्ष्मी यांचा मृतदेहच सापडला. घटनेची माहिती मिळताच वनपरिक्षेत्र अधिकारी बी. झेड. पवार यांनी घटनास्थळी धाव घेतली. लक्ष्मी यांचा मृतदेह पांढरकवडाच्या शासकीय रुग्णालयात हलविला. रविवारी तिच्या पार्थिवावर अंत्यसंस्कार करण्यात आले. यावेळी उपवनसंरक्षक गुरुप्रसाद, सहाय्यक उपवनसंरक्षक एन. एन. जगताप, वनपरिक्षेत्र अधिकारी बी. झेड. पवार उपस्थित होते. वन विभागाने लक्ष्मीच्या कुटुंबीयांना आठ लाख रुपयांची तात्काळ मदत जाहीर केली असून लवकरच त्यांना ही रक्कम देण्यात येणार आहे.
शेतकरी महिलेवर वाघाने हल्ला करून ठार केल्याची घटना केळापूर तालुक्यातील मीरा गावाजवळ घडली. या घटनेने परिसरातील गावकरी हादरले असून हंगामाचे दिवस असतानाही त्यांना घरी राहावे लागण्याची शक्यता निर्माण झाली आहे.
लक्ष्मी अजाबराव रामपुरे (५०) असे या शेतकरी महिलेचे नाव आहे. शनिवारी सायंकाळी गावापासून काही अंतरावर असलेल्या शेतावर काम करीत होती. तर तिचा पती अजाबराव हा बैलांना आणत होता. अचानक मागून आलेल्या वाघाने लक्ष्मी यांच्यावर हल्ला करून फरफडत नेण्याचा प्रयत्न केला. ही बाब त्यांचे पती अजाबराव यांना दिसून येताच त्यांनी आरडाओरड केली. वाघाच्या मागे धावत सुटले. त्यामुळे वाघाने महिलेला सोडून झुडपात जावून बसला. आपल्यावरही वाघ हल्ला करणार म्हणून अजाबराव यांनी मदतीसाठी धाव घेतली. काही लोकांना गोळा करून आणल्यानंतर पत्नीचा शोध घेतला असता लक्ष्मी यांचा मृतदेहच सापडला. घटनेची माहिती मिळताच वनपरिक्षेत्र अधिकारी बी. झेड. पवार यांनी घटनास्थळी धाव घेतली. लक्ष्मी यांचा मृतदेह पांढरकवडाच्या शासकीय रुग्णालयात हलविला. रविवारी तिच्या पार्थिवावर अंत्यसंस्कार करण्यात आले. यावेळी उपवनसंरक्षक गुरुप्रसाद, सहाय्यक उपवनसंरक्षक एन. एन. जगताप, वनपरिक्षेत्र अधिकारी बी. झेड. पवार उपस्थित होते. वन विभागाने लक्ष्मीच्या कुटुंबीयांना आठ लाख रुपयांची तात्काळ मदत जाहीर केली असून लवकरच त्यांना ही रक्कम देण्यात येणार आहे.