नागपूर : स्नेहा नॅचरोपॅथी केंद्राच्या नावाखाली धरमपेठेत परिसरात सुरू असलेला देहव्यापार गुरुवारी उघडकीस आला. नागपूर पोलिसांनी खरे टाउन येथील सरस्वती अपार्टमेंट येथे छापा टाकून तीन व्यक्तींसह चार युवतींना ताब्यात घेतले आहे. गुन्हेशाखेच्या सामाजिक सुरक्षा विभागाने ही कारवाई केली. रजत ठाकूर, स्वप्नील गुप्ता आणि शरद नंदेश्वर ही ताब्यात घेतलेल्या युवकांची नावे आहेत. या मुलींनी पोलिसांना दिलेल्या माहितीनुसार, रजत आणि स्वप्नील हे या मुलींना देहव्यापारासाठी धरमपेठेतीलच अवंती अपार्टमेंट येथे पाठवीत असत. या माहितीच्या आधारे पोलिसांनी अवंती अपार्टमेंट येथे छापा टाकून शरद नंदेश्वर यांना ताब्यात घेतले. या दोन्ही जागा भाडेतत्त्वावर घेऊन तेथे देहव्यापार चालविला जात असल्याचे पोलिसांनी सांगितले. सीताबर्डी पोलिसांनी आरोपींविरोधात अनैतिक व्यापर प्रतिबंध अधिनियम १९५६ अंतर्गत गुन्हा दाखल केला आहे.
धरमपेठेत नॅचरोपॅथीच्या नावाखाली देहव्यापार
स्नेहा नॅचरोपॅथी केंद्राच्या नावाखाली धरमपेठेत परिसरात सुरू असलेला देहव्यापार गुरुवारी उघडकीस आला...
Maharashtra Times 16 Mar 2018, 1:39 pm