म. टा. प्रतिनिधी, नागपूर
मोबाइल चोरीच्या वादातून दोघांनी मित्राचीच दगडाने ठेचून हत्या केल्याचं समोर आलं आहे. ही थरारक घटना बुधवारी पहाटे दाभ्यातील साईनगर परिसरात उघडली. याप्रकरणात पोलिसांनी दोन जणांना अटक केली आहे. निखिल सुधाकर भांगे (२९ रा. सोनबानगर) असं मृत तरुणाचे नाव आहे. योगेश ऊर्फ बाबू हरिहर बिसेन (२८ रा.मेघराजनगर) व पंकज रामजी कुथे (२८ रा. स्मृतीनगर) अशी अटक केलेल्यांची नावं आहेत.
एक महिन्यांपूर्वी निखिल याने योगेश याचा मोबाइल चोरला होता. त्यावरून योगेश व निखिलमध्ये वाद सुरू होता. सोमवारी पंकज याच्यासोबतही निखिल याचा वाद झाला. यानंतर योगेशने निखिलचा काटा काढण्याचा कट आखला. यात त्याने पंकज यालाही सोबत घेतले. हे दोघी मंगळवारी दुपारी निखिलच्या घरी गेले. बाहेर जाऊया असे त्यांनी निखिलला विचारले. पण निखिलने नकार दिला. त्यानंतर संध्याकाळी निखिल घराबाहेर पडला. दारू पिण्याच्या बहाण्याने दोघी निखिलला दाभा भागातील साईनगर येथील पाण्याच्या टाकीजवळ घेऊन गेले. तिथे तिघेही दारु प्यायले. त्यानंतर मोबाइल चोरीबाबत योगेशने निखिलकडे विचारणा केली. दोघांमध्ये पुन्हा वाद झाला. यानंतर दोघांनी दगडाने निखिलचे डोके ठेचले. यात त्याचा मृत्यू झाला.
पहाटेच्या सुमारास ही घटना उघड झाली. माहिती मिळताच गिट्टीखदान पोलीस ठाण्याचे वरिष्ठ पोलीस निरीक्षक राजेंद्र निकम यांच्यासह पोलिसांचा ताफा घटनास्थळी पोहोचला. पंचनामा करून पोलिसांनी मृतदेह मेयोकडे रवाना केला. या प्रकरणी पोलिसांनी खूनाचा गुन्हा दाखल केला आहे.
मोबाइल चोरीच्या वादातून दोघांनी मित्राचीच दगडाने ठेचून हत्या केल्याचं समोर आलं आहे. ही थरारक घटना बुधवारी पहाटे दाभ्यातील साईनगर परिसरात उघडली. याप्रकरणात पोलिसांनी दोन जणांना अटक केली आहे. निखिल सुधाकर भांगे (२९ रा. सोनबानगर) असं मृत तरुणाचे नाव आहे. योगेश ऊर्फ बाबू हरिहर बिसेन (२८ रा.मेघराजनगर) व पंकज रामजी कुथे (२८ रा. स्मृतीनगर) अशी अटक केलेल्यांची नावं आहेत.
एक महिन्यांपूर्वी निखिल याने योगेश याचा मोबाइल चोरला होता. त्यावरून योगेश व निखिलमध्ये वाद सुरू होता. सोमवारी पंकज याच्यासोबतही निखिल याचा वाद झाला. यानंतर योगेशने निखिलचा काटा काढण्याचा कट आखला. यात त्याने पंकज यालाही सोबत घेतले. हे दोघी मंगळवारी दुपारी निखिलच्या घरी गेले. बाहेर जाऊया असे त्यांनी निखिलला विचारले. पण निखिलने नकार दिला. त्यानंतर संध्याकाळी निखिल घराबाहेर पडला. दारू पिण्याच्या बहाण्याने दोघी निखिलला दाभा भागातील साईनगर येथील पाण्याच्या टाकीजवळ घेऊन गेले. तिथे तिघेही दारु प्यायले. त्यानंतर मोबाइल चोरीबाबत योगेशने निखिलकडे विचारणा केली. दोघांमध्ये पुन्हा वाद झाला. यानंतर दोघांनी दगडाने निखिलचे डोके ठेचले. यात त्याचा मृत्यू झाला.
पहाटेच्या सुमारास ही घटना उघड झाली. माहिती मिळताच गिट्टीखदान पोलीस ठाण्याचे वरिष्ठ पोलीस निरीक्षक राजेंद्र निकम यांच्यासह पोलिसांचा ताफा घटनास्थळी पोहोचला. पंचनामा करून पोलिसांनी मृतदेह मेयोकडे रवाना केला. या प्रकरणी पोलिसांनी खूनाचा गुन्हा दाखल केला आहे.