म.टा. प्रतिनिधी, नागपूर
मिहानमधील विशेष आर्थिक क्षेत्रात (सेझ) उभारण्यात येणाऱ्या आत्यधुनिक इंडो-यूके हेल्थ सिटीद्वारे सात वर्षांत दोन लाख रोजगार मार्गस्थ होणार आहेत. या हेल्थ सिटीमुळे इंग्लंडच्या तुलनेत येथील वैद्यकीय खर्च ९० टक्के कमी होईल, असा विश्वास मुख्यमंत्री देवेंद्र फडणवीस यांनी व्यक्त केला.
हॉस्पिटलसोबतच नाही तर त्यासोबतच संशोधन केंद्र, नर्सिंग कॉलेज, वैद्यकीय साधनांचे निर्मिती केंद्र, वैद्यकीय पर्यटनासाठी पंचतारांकीत हॉटेल यांचा समावेश असलेल्या इंडो-यूके हेल्थ सिटीचा कोनशीला अनावरण समारंभ रविवारी ली मेरीडियन येथे झाला. त्यावेळी मुख्यमंत्र्यांनी ही हेल्थ सिटी दहाऐवजी सात वर्षांतच पूर्ण करून पहिला टप्पादेखील एक वर्ष आधी सुरू करण्याची सूचना केली.
‘ही हेल्थ सिटी विदर्भाच्या आरोग्य क्षेत्राचा चेहरा बदलेल. पण त्याचा पहिला २०२० ऐवजी २०१९ मध्येच पूर्ण करा. तर एकूण दहा वर्षात ही उभारणी पूर्ण करण्याऐवजी सात वर्षातच पूर्ण करून २ लाख रोजगार मार्गस्थ करा’, असे ते म्हणाले.
ही इंडो-यूके हेल्थ सिटी ब्रिटीश रॉयल कुटुंबाच्या किंग्स इस्पितळांतर्गत चालवली जात आहे. इंडो-यूके इन्स्टिट्युट ऑफ हेल्थ ही संस्था किंग्स इस्पितळांतर्गत कार्यरत आहे. या संस्थेने ‘मेडिसिटी’ हा प्रकल्प घेऊन भारतात ११ ठिकाणी अशी हेल्थ सिटी उभारण्याची योजना आखली आहे. त्यापैकी पहिला शुभारंभ येथील मिहान-सेझमध्ये रविवारी झाला. केंद्र सरकारच्या ‘मेक इन इंडिया’ अंतर्गत ‘इन्व्हेस्ट इंडिया’ यांच्या पुढाकाराने ही गुंतवणूक होत आहे. कार्यक्रमासाठी संस्थेचे सीईओ डॉ. अजय रंजन गुप्ता, ब्रिटनच्या व्यापार व गुंतवणूक विभागाच्या उप संचालिका जेन ग्रेडी, इयान वॉटसन, मार्क हिचमन, महापौर नंदा जिचकार, खासदार कृपाल तुमाने, खासदार अजय संचेती, आमदार सुधाकरराव देशमुख, आमदार आशिष देशमुख, आमदार समीर मेघे, आमदार सुधाकर कोहळे, आमदार प्रकाश गजभिये, एमएडीसीचे उपाध्यक्ष सुरेश काकाणी, विभागीय आयुक्त अनुप कुमार यांच्यासह अन्य मान्यवर उपस्थित होते.
मिहानमधील विशेष आर्थिक क्षेत्रात (सेझ) उभारण्यात येणाऱ्या आत्यधुनिक इंडो-यूके हेल्थ सिटीद्वारे सात वर्षांत दोन लाख रोजगार मार्गस्थ होणार आहेत. या हेल्थ सिटीमुळे इंग्लंडच्या तुलनेत येथील वैद्यकीय खर्च ९० टक्के कमी होईल, असा विश्वास मुख्यमंत्री देवेंद्र फडणवीस यांनी व्यक्त केला.
हॉस्पिटलसोबतच नाही तर त्यासोबतच संशोधन केंद्र, नर्सिंग कॉलेज, वैद्यकीय साधनांचे निर्मिती केंद्र, वैद्यकीय पर्यटनासाठी पंचतारांकीत हॉटेल यांचा समावेश असलेल्या इंडो-यूके हेल्थ सिटीचा कोनशीला अनावरण समारंभ रविवारी ली मेरीडियन येथे झाला. त्यावेळी मुख्यमंत्र्यांनी ही हेल्थ सिटी दहाऐवजी सात वर्षांतच पूर्ण करून पहिला टप्पादेखील एक वर्ष आधी सुरू करण्याची सूचना केली.
‘ही हेल्थ सिटी विदर्भाच्या आरोग्य क्षेत्राचा चेहरा बदलेल. पण त्याचा पहिला २०२० ऐवजी २०१९ मध्येच पूर्ण करा. तर एकूण दहा वर्षात ही उभारणी पूर्ण करण्याऐवजी सात वर्षातच पूर्ण करून २ लाख रोजगार मार्गस्थ करा’, असे ते म्हणाले.
ही इंडो-यूके हेल्थ सिटी ब्रिटीश रॉयल कुटुंबाच्या किंग्स इस्पितळांतर्गत चालवली जात आहे. इंडो-यूके इन्स्टिट्युट ऑफ हेल्थ ही संस्था किंग्स इस्पितळांतर्गत कार्यरत आहे. या संस्थेने ‘मेडिसिटी’ हा प्रकल्प घेऊन भारतात ११ ठिकाणी अशी हेल्थ सिटी उभारण्याची योजना आखली आहे. त्यापैकी पहिला शुभारंभ येथील मिहान-सेझमध्ये रविवारी झाला. केंद्र सरकारच्या ‘मेक इन इंडिया’ अंतर्गत ‘इन्व्हेस्ट इंडिया’ यांच्या पुढाकाराने ही गुंतवणूक होत आहे. कार्यक्रमासाठी संस्थेचे सीईओ डॉ. अजय रंजन गुप्ता, ब्रिटनच्या व्यापार व गुंतवणूक विभागाच्या उप संचालिका जेन ग्रेडी, इयान वॉटसन, मार्क हिचमन, महापौर नंदा जिचकार, खासदार कृपाल तुमाने, खासदार अजय संचेती, आमदार सुधाकरराव देशमुख, आमदार आशिष देशमुख, आमदार समीर मेघे, आमदार सुधाकर कोहळे, आमदार प्रकाश गजभिये, एमएडीसीचे उपाध्यक्ष सुरेश काकाणी, विभागीय आयुक्त अनुप कुमार यांच्यासह अन्य मान्यवर उपस्थित होते.