पॅराडॉक्स टू पॅराडाईम परिषदेचा समारोप
नागपूर : रस्ते बांधणी, गृहबांधणी प्रकल्पांमध्ये मोठ्या प्रमाणात रेती, सिमेंट, स्टील यांसारख्या सामग्रीची आवश्यकता भासते व त्यांच्या आंतरराष्ट्रीय बाजारातील वाढत्या किमतीमुळे प्रकल्पाचा भांडवल खर्चही वाढतो. ही स्थिती बदलण्यासाठी वास्तुरचनाकरांनी या प्रकल्पामध्ये फ्लाय अॅश, कचरा, प्लास्टिक यासारख्या कमी खर्चिक सामग्रीचा वापर सुचवून किफायतशीर व प्रभावी संरचना तयार करण्यासाठी पुढाकार घेणे आवश्यक आहे, असे प्रतिपादन केंद्रीय रस्ते वाहतूक व महामार्ग मंत्री नितीन गडकरी यांनी केले. वुमन्स एज्युकेशन सोसायटीद्वारे संचालित श्रीमती मनोरमाबाई मुंडले कॉलेज ऑफ आर्किटेक्चरच्या वतीने स्थानिक हॉटेल रॅडिसन ब्लू येथे आयोजित 'पॅराडॉक्स टू पॅराडाईम ' या वास्तुरचनाशास्त्रावरील द्वी-दिवसीय आंतरराष्ट्रीय परिषदेच्या समारोपाप्रसंगी प्रमुख अतिथी म्हणून ते बोलत होते.
शेततळी, नाले यांच्या खोलीकरणातून मिळालेला गाळ, खडी यांचा वापर बुलडाणा ते अजिंठा या रस्ते निर्मितीमध्ये केल्याने प्रकल्पाच्या खर्चात कपात झाली आहे. २०२२ पर्यंत शहरी व ग्रामीण भागात 'सर्वांसाठी घरे' या योजनेसाठी ऊर्जा मंत्री चंद्रशेखर बावनकुळे यांनी औष्णिक प्रकल्पातील फ्लाय अॅशचा वापर गृहनिर्माणाकरीता वापरण्याचा निर्णय घेतल्याने कोराडी येथे ६ हजार किफायतशीर घरे बांधण्यात येत आहेत. वेस्टर्न कोलफिल्डच्या खाणींतून निघणाऱ्या रेतीचाही वापर अशाप्रकारच्या नागपूर शहरातील गृहबांधणी प्रकल्पांमध्ये केला जात आहे. दिल्ली, मेरठ जलदगती महामार्गाच्या बांधकामातही गाझीपूर येथील कचरा डेपोतील वेस्ट मटेरियलचा वापर करण्यात आला आहे. केंद्रीय रस्ते वाहतूक व महामार्ग मंत्रालयातर्फे महाराष्ट्रात ५ लाख कोटींची कामे चालू असून रस्ते बांधणी क्षेत्रात आर्किटेक्टसना वाव आहे. प्रकल्प खर्चात कपात करणाऱ्या तंत्रशुद्ध व नावीन्यपूर्ण कल्पना आर्किटेक्टसनी सुचवून परवडणाऱ्या घरांचा निर्मिती प्रकल्प, रस्ते बांधणी तसेच जल संवर्धन क्षेत्रात योगदान द्यावे, असे आवाहनही गडकरी यांनी विद्यार्थ्यांना केले.
नागपूर : रस्ते बांधणी, गृहबांधणी प्रकल्पांमध्ये मोठ्या प्रमाणात रेती, सिमेंट, स्टील यांसारख्या सामग्रीची आवश्यकता भासते व त्यांच्या आंतरराष्ट्रीय बाजारातील वाढत्या किमतीमुळे प्रकल्पाचा भांडवल खर्चही वाढतो. ही स्थिती बदलण्यासाठी वास्तुरचनाकरांनी या प्रकल्पामध्ये फ्लाय अॅश, कचरा, प्लास्टिक यासारख्या कमी खर्चिक सामग्रीचा वापर सुचवून किफायतशीर व प्रभावी संरचना तयार करण्यासाठी पुढाकार घेणे आवश्यक आहे, असे प्रतिपादन केंद्रीय रस्ते वाहतूक व महामार्ग मंत्री नितीन गडकरी यांनी केले. वुमन्स एज्युकेशन सोसायटीद्वारे संचालित श्रीमती मनोरमाबाई मुंडले कॉलेज ऑफ आर्किटेक्चरच्या वतीने स्थानिक हॉटेल रॅडिसन ब्लू येथे आयोजित 'पॅराडॉक्स टू पॅराडाईम ' या वास्तुरचनाशास्त्रावरील द्वी-दिवसीय आंतरराष्ट्रीय परिषदेच्या समारोपाप्रसंगी प्रमुख अतिथी म्हणून ते बोलत होते.
शेततळी, नाले यांच्या खोलीकरणातून मिळालेला गाळ, खडी यांचा वापर बुलडाणा ते अजिंठा या रस्ते निर्मितीमध्ये केल्याने प्रकल्पाच्या खर्चात कपात झाली आहे. २०२२ पर्यंत शहरी व ग्रामीण भागात 'सर्वांसाठी घरे' या योजनेसाठी ऊर्जा मंत्री चंद्रशेखर बावनकुळे यांनी औष्णिक प्रकल्पातील फ्लाय अॅशचा वापर गृहनिर्माणाकरीता वापरण्याचा निर्णय घेतल्याने कोराडी येथे ६ हजार किफायतशीर घरे बांधण्यात येत आहेत. वेस्टर्न कोलफिल्डच्या खाणींतून निघणाऱ्या रेतीचाही वापर अशाप्रकारच्या नागपूर शहरातील गृहबांधणी प्रकल्पांमध्ये केला जात आहे. दिल्ली, मेरठ जलदगती महामार्गाच्या बांधकामातही गाझीपूर येथील कचरा डेपोतील वेस्ट मटेरियलचा वापर करण्यात आला आहे. केंद्रीय रस्ते वाहतूक व महामार्ग मंत्रालयातर्फे महाराष्ट्रात ५ लाख कोटींची कामे चालू असून रस्ते बांधणी क्षेत्रात आर्किटेक्टसना वाव आहे. प्रकल्प खर्चात कपात करणाऱ्या तंत्रशुद्ध व नावीन्यपूर्ण कल्पना आर्किटेक्टसनी सुचवून परवडणाऱ्या घरांचा निर्मिती प्रकल्प, रस्ते बांधणी तसेच जल संवर्धन क्षेत्रात योगदान द्यावे, असे आवाहनही गडकरी यांनी विद्यार्थ्यांना केले.