नागपूर : गांजा व दारुचे व्यसन भागविण्यासाठी वाहनचोरी करणाऱ्या चोरट्याला यशोधरानगर पोलिसांनी सापळा रचून अटक केली. शेख इमरान ऊर्फ इम्मू जब्बार शेख (वय १९, रा. विटाभट्टी चौक), असे अटकेतील चोरट्याचे नाव आहे. दोन दिवसांपूर्वी यशोधरानगर भागात मोटरसायकल चोरी गेली. याप्रकरणी पोलिसांनी चोरीचा गुन्हा दाखल केला. वरिष्ठ पोलिस निरीक्षक पी. जे. रायण्णावर यांच्या मार्गदर्शनाखाली सहायक पोलिस निरीक्षक प्रशांत अन्नछत्रे, उपनिरीक्षक श्रीनिवास दराडे, सहायक उपनिरीक्षक प्रकाश काळे, विनोद सोलव, शिपाई मधुकर निखाडे, विजय लांजेवार, नरेश, रत्नाकर व आफताब यांनी चोरट्याचा शोध सुरू केला. इमरान हा चोरीच्या मोटरसायकलने फिरत असल्याची माहिती पोलिसांना मिळाली. पोलिसांनी सापळा रचून त्याला अटक केली. त्याच्याकडून चोरीची चार वाहने जप्त करण्यात आली. त्याच्याकडून वाहनचोरीचे चार गुन्हे उघडकीस आणण्यास पोलिसांना यश आले.
व्यसन भागविण्यासाठी वाहनचोरी
गांजा व दारुचे व्यसन भागविण्यासाठी वाहनचोरी करणाऱ्या चोरट्याला यशोधरानगर पोलिसांनी सापळा रचून अटक केली शेख इमरान ऊर्फ इम्मू जब्बार शेख (वय १९, रा...
महाराष्ट्र टाइम्स.कॉम 25 Aug 2019, 4:00 am