मटा ऑनलाइन वृत्त । नागपूर
लातूर, परभणी आणि चंद्रपूर महापालिकेसाठी मतदान सुरू आहे. या निवडणुकीसाठी स्थानिक नेत्यांची प्रतिष्ठा पणाला लागली आहे. यात लातूरमध्ये आमदार अमित देशमुख तर चंद्रपूरमध्ये केंद्रीय गृहराज्यमंत्री हंसराज अहिर व राज्याचे अर्थ व वनमंत्री सुधीर मुनगंटीवार या दोन्ही मंत्र्यांची प्रतिष्ठा पणाला लागली आहे.
उन्हाची तीव्रता लक्षात घेऊन मतदारांच्या सोयीसाठी चंद्रपूरसह परभणी व लातूर महापालिका निवडणुकीसाठी मतदानाची वेळ सायंकाळी ६.३० वाजतापर्यंत वाढविण्यात आली आहे. मतदानावेळी कोणताही अनुचित प्रकार घडू नये यासाठी पोलीस बंदोबस्त ठेवण्यात आला आहे. लातूर महापालिकेसाठी सकाळी ११ वाजेपर्यंत सरासरी २२ टक्के, तर परभणीत २५ टक्के, चंद्रपूर महापालिकेसाठी सकाळी साडे अकरा वाजेपर्यंत सरासरी १९.२० टक्के मतदानाची नोंद करण्यात आली. दुपारनंतर उन्हाच्या झळा कमी झाल्यानंतर मतदानाच्या आकडेवारीत वाढ होण्याची शक्यता आहे.
आज सकाळी चंद्रपूर महानगरपालिका निवडणुकीसाठी केंद्रीय गृहराज्यमंत्री हंसराज अहिर, राज्याचे अर्थ व वन मंत्री सुधीर मुनगंटीवार यांनी सपत्नीक मतदान केले. चंद्रपुरात १० आदर्श मतदार केंद्रांवर रेड कारपेट टाकून सजवलेले स्वागत गेट उभारण्यात आले आहे. या मतदान केंद्रावर दिव्यांग व्यक्तींसाठी व्हीलचेअर, रॅम्प, मतदारांसाठी पिण्याचे पाणी आणि सावलीसाठी मंडपाची व्यवस्था करण्यात आली आहे.
चंद्रपूर महापालिकेतील ६६ जागांसाठी ४६० उमेदवार रिंगणात असून लातूरमधील ७० जागांसाठी ४०७ आणि परभणीतील ६५ जागांसाठी ४१८ उमेदवार निवडणुकीच्या रिंगणात आहेत.
लातूर, परभणी आणि चंद्रपूर महापालिकेसाठी मतदान सुरू आहे. या निवडणुकीसाठी स्थानिक नेत्यांची प्रतिष्ठा पणाला लागली आहे. यात लातूरमध्ये आमदार अमित देशमुख तर चंद्रपूरमध्ये केंद्रीय गृहराज्यमंत्री हंसराज अहिर व राज्याचे अर्थ व वनमंत्री सुधीर मुनगंटीवार या दोन्ही मंत्र्यांची प्रतिष्ठा पणाला लागली आहे.
उन्हाची तीव्रता लक्षात घेऊन मतदारांच्या सोयीसाठी चंद्रपूरसह परभणी व लातूर महापालिका निवडणुकीसाठी मतदानाची वेळ सायंकाळी ६.३० वाजतापर्यंत वाढविण्यात आली आहे. मतदानावेळी कोणताही अनुचित प्रकार घडू नये यासाठी पोलीस बंदोबस्त ठेवण्यात आला आहे. लातूर महापालिकेसाठी सकाळी ११ वाजेपर्यंत सरासरी २२ टक्के, तर परभणीत २५ टक्के, चंद्रपूर महापालिकेसाठी सकाळी साडे अकरा वाजेपर्यंत सरासरी १९.२० टक्के मतदानाची नोंद करण्यात आली. दुपारनंतर उन्हाच्या झळा कमी झाल्यानंतर मतदानाच्या आकडेवारीत वाढ होण्याची शक्यता आहे.
आज सकाळी चंद्रपूर महानगरपालिका निवडणुकीसाठी केंद्रीय गृहराज्यमंत्री हंसराज अहिर, राज्याचे अर्थ व वन मंत्री सुधीर मुनगंटीवार यांनी सपत्नीक मतदान केले. चंद्रपुरात १० आदर्श मतदार केंद्रांवर रेड कारपेट टाकून सजवलेले स्वागत गेट उभारण्यात आले आहे. या मतदान केंद्रावर दिव्यांग व्यक्तींसाठी व्हीलचेअर, रॅम्प, मतदारांसाठी पिण्याचे पाणी आणि सावलीसाठी मंडपाची व्यवस्था करण्यात आली आहे.
चंद्रपूर महापालिकेतील ६६ जागांसाठी ४६० उमेदवार रिंगणात असून लातूरमधील ७० जागांसाठी ४०७ आणि परभणीतील ६५ जागांसाठी ४१८ उमेदवार निवडणुकीच्या रिंगणात आहेत.