म.टा. विशेष प्रतिनिधी, नागपूर
शिवसेनेतील फुटीनंतर राज्याच्या विविध भागांत राजकीय वादळ असले तरी, खासदार कृपाल तुमाने व आमदार आशिष जयस्वाल यांचे शिंदे गटाला समर्थन आहे. या पार्श्वभूमीवर उपराजधानी व ग्रामीण भागात दोन्ही बाजूंच्या शिवसैनिकांनी 'वेट अॅण्ड वॉच' भूमिका घेतली असल्याचे दिसून येते.
-शिवसेनेने डॅमेज कंट्रोलसाठी नेते व पदाधिकाऱ्यांना कामाला लावले. शिंदे गट भक्कम करण्यासाठी त्यांचे समर्थक मैदानात उतरले आहेत. संघटनेचा अंदाज घेऊन योजना आखली जात आहे.
-इतर भागांच्या तुलनेत महापालिका व ग्रामीणमध्ये शिवसेनेचे संख्याबळ जेमतेम आहे. त्याचा फायदा आगामी काळात होईल का, याचा अंदाज शिंदे गटाकडून घेण्यात येत आहे.
-तुमाने व जयस्वाल यांच्यामुळे किती डॅमेज होईल, याचा अंदाज घेतला जात आहे. बरेच पदाधिकारी आणि शिवसैनिकांनी भूमिका स्पष्ट केलेली नाही. आठवडाभरातील घडामोडीनंतर स्थिती पूर्ववत करण्यासाठी सेनेचे पदाधिकारी व निष्ठावानदेखील सज्ज झाले आहेत.
-शिवसेनेत किती दमदार कामगिरी केली, संघटना व जनतेसाठी काय केले, याचीही माहिती घेतली जात आहे. सद्यस्थितीत तुमाने यांच्यासोबत जिल्हाप्रमुख व नागपूर सुधार प्रन्यासचे विश्वस्त संदीप इटकेलवार आहेत.
-उपसंपर्कप्रमुख मंगेश काशीकर यांनी मध्यंतरी मुख्यमंत्री व उपमुख्यमंत्र्यांचे अभिनंदन केल्यानंतर त्यांची चर्चा सुरू झाली होती. मात्र, त्यांनी कुठलीही भूमिका जाहीर केलेली नाही.
-सद्यस्थितीत शिंदे गटही आपल्या बाजूला कोण येतील, याची चाचपणी करत आहे. मात्र, त्यांचा फोकस नागपूर नसल्याचे समजते. शिंदे गटाकडून फिल्डिंग लागण्याची शक्यता असताना, 'मातोश्री'कडून अद्याप लक्ष देण्यात येत नसल्याची खंत सेनेच्या एका पदाधिकाऱ्याने व्यक्त केली.
-शिवसेना सोडून गेलेल्या जुन्या निष्ठावंतांना परत आणण्याचे प्रयत्न सुरू झालेले आहेत. ज्यांना आतापर्यंत प्रतिसाद मिळाला नाही किंवा पद गेले, अशा नेत्यांनाही शिवबंधनाचे वेध लागले असल्याचे समजते.
-नजीकच्या काळात घरवापसीसाठी हालचाली वेग येण्याची शक्यता वर्तवण्यात येत आहे. तुमाने समर्थक शिंदे गटात गेल्यास त्यांच्या जागेवर वर्णी लावण्यासाठी इच्छुक सक्रिय झाले आहेत.
-पूर्व नागपूर विधानसभा मतदारसंघावरून चतुर्वेदी-मानमोडे व किशोर कुमेरिया-प्रवीण बरडे गटातील रस्सीखेच संपुष्टात आलेली नाही.
-महानगर प्रमुख प्रमोद मानमोडे व विधानसभा मतदारसंघ संपर्क प्रमुख संजय अगलधरे, रितेश राहाटे यांनी बैठकांचे सत्र सुरू केले. आज, रविवारी सकाळी ११ वाजता दक्षिण-पश्तिम व मध्य नागपूर विधानसभा मतदारसंघातील पदाधिकारी आणि शिवसैनिकांची बैठक होईल.
-महानगरप्रमुख किशोर कुमेरिया यांनी मतदारसंघात सदस्य नोंदणी सुरू केली. मिनीमातानगर, घासीदास मंदिर परिसर, पांगुळ वस्ती, चिखली, कळमना आदी शनिवारी सदस्य नोंदवण्यात आले. यावेळी उपजिल्हाप्रमुख हरिभाऊ बानाईत, उपशहर प्रमुख प्रदीप तुपकर, संघटक महेंद्र कठाणे, दीपक रात्रे आदी उपस्थित होते.
शिवसेनेतील फुटीनंतर राज्याच्या विविध भागांत राजकीय वादळ असले तरी, खासदार कृपाल तुमाने व आमदार आशिष जयस्वाल यांचे शिंदे गटाला समर्थन आहे. या पार्श्वभूमीवर उपराजधानी व ग्रामीण भागात दोन्ही बाजूंच्या शिवसैनिकांनी 'वेट अॅण्ड वॉच' भूमिका घेतली असल्याचे दिसून येते.
-शिवसेनेने डॅमेज कंट्रोलसाठी नेते व पदाधिकाऱ्यांना कामाला लावले. शिंदे गट भक्कम करण्यासाठी त्यांचे समर्थक मैदानात उतरले आहेत. संघटनेचा अंदाज घेऊन योजना आखली जात आहे.
-इतर भागांच्या तुलनेत महापालिका व ग्रामीणमध्ये शिवसेनेचे संख्याबळ जेमतेम आहे. त्याचा फायदा आगामी काळात होईल का, याचा अंदाज शिंदे गटाकडून घेण्यात येत आहे.
-तुमाने व जयस्वाल यांच्यामुळे किती डॅमेज होईल, याचा अंदाज घेतला जात आहे. बरेच पदाधिकारी आणि शिवसैनिकांनी भूमिका स्पष्ट केलेली नाही. आठवडाभरातील घडामोडीनंतर स्थिती पूर्ववत करण्यासाठी सेनेचे पदाधिकारी व निष्ठावानदेखील सज्ज झाले आहेत.
-शिवसेनेत किती दमदार कामगिरी केली, संघटना व जनतेसाठी काय केले, याचीही माहिती घेतली जात आहे. सद्यस्थितीत तुमाने यांच्यासोबत जिल्हाप्रमुख व नागपूर सुधार प्रन्यासचे विश्वस्त संदीप इटकेलवार आहेत.
-उपसंपर्कप्रमुख मंगेश काशीकर यांनी मध्यंतरी मुख्यमंत्री व उपमुख्यमंत्र्यांचे अभिनंदन केल्यानंतर त्यांची चर्चा सुरू झाली होती. मात्र, त्यांनी कुठलीही भूमिका जाहीर केलेली नाही.
-सद्यस्थितीत शिंदे गटही आपल्या बाजूला कोण येतील, याची चाचपणी करत आहे. मात्र, त्यांचा फोकस नागपूर नसल्याचे समजते. शिंदे गटाकडून फिल्डिंग लागण्याची शक्यता असताना, 'मातोश्री'कडून अद्याप लक्ष देण्यात येत नसल्याची खंत सेनेच्या एका पदाधिकाऱ्याने व्यक्त केली.
-शिवसेना सोडून गेलेल्या जुन्या निष्ठावंतांना परत आणण्याचे प्रयत्न सुरू झालेले आहेत. ज्यांना आतापर्यंत प्रतिसाद मिळाला नाही किंवा पद गेले, अशा नेत्यांनाही शिवबंधनाचे वेध लागले असल्याचे समजते.
-नजीकच्या काळात घरवापसीसाठी हालचाली वेग येण्याची शक्यता वर्तवण्यात येत आहे. तुमाने समर्थक शिंदे गटात गेल्यास त्यांच्या जागेवर वर्णी लावण्यासाठी इच्छुक सक्रिय झाले आहेत.
-पूर्व नागपूर विधानसभा मतदारसंघावरून चतुर्वेदी-मानमोडे व किशोर कुमेरिया-प्रवीण बरडे गटातील रस्सीखेच संपुष्टात आलेली नाही.
-महानगर प्रमुख प्रमोद मानमोडे व विधानसभा मतदारसंघ संपर्क प्रमुख संजय अगलधरे, रितेश राहाटे यांनी बैठकांचे सत्र सुरू केले. आज, रविवारी सकाळी ११ वाजता दक्षिण-पश्तिम व मध्य नागपूर विधानसभा मतदारसंघातील पदाधिकारी आणि शिवसैनिकांची बैठक होईल.
-महानगरप्रमुख किशोर कुमेरिया यांनी मतदारसंघात सदस्य नोंदणी सुरू केली. मिनीमातानगर, घासीदास मंदिर परिसर, पांगुळ वस्ती, चिखली, कळमना आदी शनिवारी सदस्य नोंदवण्यात आले. यावेळी उपजिल्हाप्रमुख हरिभाऊ बानाईत, उपशहर प्रमुख प्रदीप तुपकर, संघटक महेंद्र कठाणे, दीपक रात्रे आदी उपस्थित होते.