म.टा. प्रतिनिधी, नागपूर
'काँग्रेसने साठ वर्षांत मुस्लिम तरुणांना संभ्रमित करून केवळ दंगली घडविल्या. त्याउलट मागील पाच वर्षांत भाजप सरकारने जात-धर्म-पंथ विसरून संपूर्ण देशात विकास घडविला आहे. तेव्हा तुम्हाला विकास हवा की दंगली, हे तुम्हीच ठरवा', असे आवाहन भाजपचे राष्ट्रीय प्रवक्ता तसेच माजी केंद्रीय मंत्री शहनवाज हुसैन यांनी शुक्रवारी येथे केले.
भारतीय जनता पक्षाचे नागपूर लोकसभा मतदारसंघाचे उमेदवार नितीन गडकरी यांच्या प्रचारार्थ माजी केंद्रीय मंत्री शहनवाज हुसैन आले होते. यावेळी त्यांनी मोठा ताजबाग, मोमिनपुरा आणि जाफरनगर येथे सभा घेतली. सभेला आमदार सुधाकर कोहळे, भाजप अल्पसंख्यक मोर्चाचे प्रदेशाध्यक्ष जमाल सिद्दिकी, स्थायी समितीचे माजी अध्यक्ष रमेश सिंगारे, महापालिकेचे क्रीडा सभापती नागेश सहारे, भोजराज दुबे, लाल कुरेशी, अमीन पठाण, अस्लम खान आदी उपस्थित होते.
गडकरी खऱ्या अर्थाने विकासपुरुष असल्याचे सांगताना हुसैन म्हणाले की, 'देशातील कुठलेही शहर असो, गडकरींनी कोट्यवधीची कार्ये करून झंझावात निर्माण केला आहे. माझा लोकसभा मतदारसंघ असलेल्या भागलपूर येथे पंधराशे कोटींहून अधिकची विकासकार्ये गडकरींनी केली आहेत. नागपुरात सुरू झालेली मेट्रो असो वा सिमेंट रस्ते शहराचा संपूर्ण चेहरा बदलविण्याचे कार्य जोमाने सुरू आहे. टीव्हीवर उलटसुलट चर्चा सुरूच असतात. भाजप अल्पसंख्यकांसोबत नाही, त्यांना संधी देत नाही, असा अपप्रचार सुरू आहे. विरोधी पक्षाकडून सातत्याने भाजप अल्पसंख्यकविरोधी असल्याची टीका करण्यात येत आहे. पण, वास्तविकता वेगळी आहे. काँग्रेसने कायम मुस्लिम युवकांना संभ्रमित केले आहे. उलटपक्षी भाजपाच्या नेतृत्वात मागील पाच वर्षांपासून हा देश जोमाने प्रगती करत आहे.'
तत्पूर्वी, आमदार कोहळे म्हणाले, 'गडकरींमुळे नागपूरची ओळख संपूर्ण जगात पोहोचली आहे. मेट्रो सिटी, एज्युकेशन हब, मेडिकल हब म्हणून नागपूर उदयास आले आहे.'
हाजी अराफत, अमीन पठाण यांनीदेखील मनोगत व्यक्त केले.
अब की बार, पाच लाख पार...
'नागपूरसोबत माझे जुने नाते आहे. येथून हजला जाणारे पहिले विमान मी मंत्री असताना सुरू झाले होते. विद्यमान मुख्यमंत्री देवेंद्र फडणवीस हे भाजयुमोचे अध्यक्ष होते, तेव्हादेखील नागपूरला नेहमी यायचो. या शहराने मला नेहमीच प्रेम दिले आहे. आजही मी शहरवासीयांचे प्रेम आणि गडकरी यांच्याप्रती असलेल्या स्नेहापोटी येथे आलो आहे. यावेळी गडकरींना भरभरून मत द्या आणि पाच लाखांहून अधिक मताधिक्याने निवडून द्या', असे आवाहन हुसैन यांनी केले.
'काँग्रेसने साठ वर्षांत मुस्लिम तरुणांना संभ्रमित करून केवळ दंगली घडविल्या. त्याउलट मागील पाच वर्षांत भाजप सरकारने जात-धर्म-पंथ विसरून संपूर्ण देशात विकास घडविला आहे. तेव्हा तुम्हाला विकास हवा की दंगली, हे तुम्हीच ठरवा', असे आवाहन भाजपचे राष्ट्रीय प्रवक्ता तसेच माजी केंद्रीय मंत्री शहनवाज हुसैन यांनी शुक्रवारी येथे केले.
भारतीय जनता पक्षाचे नागपूर लोकसभा मतदारसंघाचे उमेदवार नितीन गडकरी यांच्या प्रचारार्थ माजी केंद्रीय मंत्री शहनवाज हुसैन आले होते. यावेळी त्यांनी मोठा ताजबाग, मोमिनपुरा आणि जाफरनगर येथे सभा घेतली. सभेला आमदार सुधाकर कोहळे, भाजप अल्पसंख्यक मोर्चाचे प्रदेशाध्यक्ष जमाल सिद्दिकी, स्थायी समितीचे माजी अध्यक्ष रमेश सिंगारे, महापालिकेचे क्रीडा सभापती नागेश सहारे, भोजराज दुबे, लाल कुरेशी, अमीन पठाण, अस्लम खान आदी उपस्थित होते.
गडकरी खऱ्या अर्थाने विकासपुरुष असल्याचे सांगताना हुसैन म्हणाले की, 'देशातील कुठलेही शहर असो, गडकरींनी कोट्यवधीची कार्ये करून झंझावात निर्माण केला आहे. माझा लोकसभा मतदारसंघ असलेल्या भागलपूर येथे पंधराशे कोटींहून अधिकची विकासकार्ये गडकरींनी केली आहेत. नागपुरात सुरू झालेली मेट्रो असो वा सिमेंट रस्ते शहराचा संपूर्ण चेहरा बदलविण्याचे कार्य जोमाने सुरू आहे. टीव्हीवर उलटसुलट चर्चा सुरूच असतात. भाजप अल्पसंख्यकांसोबत नाही, त्यांना संधी देत नाही, असा अपप्रचार सुरू आहे. विरोधी पक्षाकडून सातत्याने भाजप अल्पसंख्यकविरोधी असल्याची टीका करण्यात येत आहे. पण, वास्तविकता वेगळी आहे. काँग्रेसने कायम मुस्लिम युवकांना संभ्रमित केले आहे. उलटपक्षी भाजपाच्या नेतृत्वात मागील पाच वर्षांपासून हा देश जोमाने प्रगती करत आहे.'
तत्पूर्वी, आमदार कोहळे म्हणाले, 'गडकरींमुळे नागपूरची ओळख संपूर्ण जगात पोहोचली आहे. मेट्रो सिटी, एज्युकेशन हब, मेडिकल हब म्हणून नागपूर उदयास आले आहे.'
हाजी अराफत, अमीन पठाण यांनीदेखील मनोगत व्यक्त केले.
अब की बार, पाच लाख पार...
'नागपूरसोबत माझे जुने नाते आहे. येथून हजला जाणारे पहिले विमान मी मंत्री असताना सुरू झाले होते. विद्यमान मुख्यमंत्री देवेंद्र फडणवीस हे भाजयुमोचे अध्यक्ष होते, तेव्हादेखील नागपूरला नेहमी यायचो. या शहराने मला नेहमीच प्रेम दिले आहे. आजही मी शहरवासीयांचे प्रेम आणि गडकरी यांच्याप्रती असलेल्या स्नेहापोटी येथे आलो आहे. यावेळी गडकरींना भरभरून मत द्या आणि पाच लाखांहून अधिक मताधिक्याने निवडून द्या', असे आवाहन हुसैन यांनी केले.