म.टा. वृत्तसेवा, यवतमाळ
एकतर्फी प्रेमास प्रतिसाद न दिल्याने संतप्त होऊन युवतीला रस्त्यात अडवित चाकूने वार करून तिचा निर्घृण खून करणाऱ्या आरोपीस जिल्हा व सत्र न्यायालयाने भादंवीच्या ३०२नुसार जन्मठेपेची व १० हजार रुपये दंड, तसेच दंड न भरल्यास सश्रम कारावास व भादंवी ३४१नुसार एक महिना सक्षम कारावासाची शिक्षा ठोठावली आहे. दंडापैकी मृतकाच्या आईस ७ हजार रुपये भरपाई द्यावी, तसेच शासनालासुद्धा भरपाई देण्याचे आदेश देण्यात आले आहेत. ओमप्रकाश तेजाराम गुजावार (वय २१, रा. गोणी, ता. काटोल, जि. नागपूर), असे आरोपीचे नाव आहे. तर, सोनाली गणेश कनाके असे हत्या झालेल्या तरुणीचे नाव आहे.
घटनेच्या दिवशी १८ सप्टेंबर २०१५ रोजी सोनाली ही तिच्या घराशेजारी असलेल्या शुभम मोहनसिंग बघेल याच्यासोबत कंप्युटर क्लासला जात होती. यावेळी मोटारसायकलने आलेल्या आरोपी ओमप्रकाश याने सोनालीला अडवून तिला मारहाण करण्यास सुरुवात केली. तसेच मोटारसायकलच्या पेट्रोल टाकीच्या कव्हर मधून चाकू काढून सोनालीच्या छातीवर, पोटावर जोरदार वार केले. त्यानंतर आरोपी पळून गेला. जखमी अवस्थेतील सोनालीला शुभम व इतरांनी उपचारासाठी शासकीय रुग्णालयात हलविले. उपचारादरम्यान सोनालीचा मृत्यू झाला. या प्रकरणाची तक्रार सोनालीची आई व मामा यांनी दिल्यावर वडगाव रोड पोलिसांनी आरोपी ओमप्रकाश याला अटक केली.
या प्रकरणाचा तपास सहायक पोलिस निरीक्षक सारंग मिरासे, पोलिस निरीक्षक बाळकृष्ण जाधव, उपविभागीय पोलिस अधिकारी राजेश मदने यांनी केल्यावर न्यायालयात दोषारोप पत्र दाखल करण्यात आले. सरकारी पक्षाच्यावतीने १४ साक्षीदार तपासण्यात आले. महत्त्वाचा प्रत्यक्षदर्शी साक्षीदार शुभम बघेल हा फितूर झाला. मात्र, सोनालीला रुग्णालयात नेणारे किरण जिजकार व मंगेश कोल्हे यांची साक्ष व परिस्थितीजन्य पुरावे ग्राह्य मानून न्यायाधीश अरविंद वानखेडे यांनी आरोपी ओमप्रकाश याला जन्मठेपेची शिक्षा ठोठावली. या खटल्यात सरकारी पक्षाच्यावतीने सहायक सरकारी वकील अॅड. एस. तेलंग यांनी बाजू मांडली.
एकतर्फी प्रेमास प्रतिसाद न दिल्याने संतप्त होऊन युवतीला रस्त्यात अडवित चाकूने वार करून तिचा निर्घृण खून करणाऱ्या आरोपीस जिल्हा व सत्र न्यायालयाने भादंवीच्या ३०२नुसार जन्मठेपेची व १० हजार रुपये दंड, तसेच दंड न भरल्यास सश्रम कारावास व भादंवी ३४१नुसार एक महिना सक्षम कारावासाची शिक्षा ठोठावली आहे. दंडापैकी मृतकाच्या आईस ७ हजार रुपये भरपाई द्यावी, तसेच शासनालासुद्धा भरपाई देण्याचे आदेश देण्यात आले आहेत. ओमप्रकाश तेजाराम गुजावार (वय २१, रा. गोणी, ता. काटोल, जि. नागपूर), असे आरोपीचे नाव आहे. तर, सोनाली गणेश कनाके असे हत्या झालेल्या तरुणीचे नाव आहे.
घटनेच्या दिवशी १८ सप्टेंबर २०१५ रोजी सोनाली ही तिच्या घराशेजारी असलेल्या शुभम मोहनसिंग बघेल याच्यासोबत कंप्युटर क्लासला जात होती. यावेळी मोटारसायकलने आलेल्या आरोपी ओमप्रकाश याने सोनालीला अडवून तिला मारहाण करण्यास सुरुवात केली. तसेच मोटारसायकलच्या पेट्रोल टाकीच्या कव्हर मधून चाकू काढून सोनालीच्या छातीवर, पोटावर जोरदार वार केले. त्यानंतर आरोपी पळून गेला. जखमी अवस्थेतील सोनालीला शुभम व इतरांनी उपचारासाठी शासकीय रुग्णालयात हलविले. उपचारादरम्यान सोनालीचा मृत्यू झाला. या प्रकरणाची तक्रार सोनालीची आई व मामा यांनी दिल्यावर वडगाव रोड पोलिसांनी आरोपी ओमप्रकाश याला अटक केली.
या प्रकरणाचा तपास सहायक पोलिस निरीक्षक सारंग मिरासे, पोलिस निरीक्षक बाळकृष्ण जाधव, उपविभागीय पोलिस अधिकारी राजेश मदने यांनी केल्यावर न्यायालयात दोषारोप पत्र दाखल करण्यात आले. सरकारी पक्षाच्यावतीने १४ साक्षीदार तपासण्यात आले. महत्त्वाचा प्रत्यक्षदर्शी साक्षीदार शुभम बघेल हा फितूर झाला. मात्र, सोनालीला रुग्णालयात नेणारे किरण जिजकार व मंगेश कोल्हे यांची साक्ष व परिस्थितीजन्य पुरावे ग्राह्य मानून न्यायाधीश अरविंद वानखेडे यांनी आरोपी ओमप्रकाश याला जन्मठेपेची शिक्षा ठोठावली. या खटल्यात सरकारी पक्षाच्यावतीने सहायक सरकारी वकील अॅड. एस. तेलंग यांनी बाजू मांडली.