आता १० हजार देते, ५० नंतर; पण माझा मुलगा संपला पाहिजे! आईनंच दिली मुलाच्या हत्येची सुपारी

नांदेड: मुलगा दारूसाठी मारहाण करत असल्याने आईनेच मुलाच्या हत्येची सुपारी दिली. नांदेड जिल्ह्यातील बारड येथे ही घटना घडली. ३५ वर्षांच्या सुशील श्रीमंगले याचा मृतदेह बारड महामार्गाजवळ आढळला होता. त्याच्या डोक्यावर जखम असल्याने त्याचा खून झाल्याचे उघड होते. त्यानुसार पोलिसांनी तपास सुरू केला. त्यातून चक्रावून टाकणारी माहिती उघडकीस आली.

सुशीलचा खून केल्या प्रकरणी पोलिसांनी राजेश पाटील आणि देवराव भगत या दोघांची चौकशी केली. तेव्हा मयत सुशीलच्या आईने खून करण्यासाठी सुपारी दिल्याचे आरोपीनी सांगितले. त्यावरून पोलिसांनी सुशीलची आई शोभा श्रीमंगले यांना अटक केली. दोन्ही आरोपी हे शोभाभाई यांच्या घरात भाड्याने राहतात.

दारू पिण्यासाठी मुलगा नेहमी त्रास द्यायचा, शिवीगाळ करून मारहाण करायचा. त्याच्या त्रासाला कंटाळून हत्येची सुपारी दिल्याची कबुली शोभाबाई यांनी दिली. हत्येसाठी ६० हजार ठरले होते. त्यापैकी १० हजार रुपये शोभाबाई यांनी मारेकऱ्यांना दिले होते. सुशीलला दारूचे व्यसन जडले होते. दारू पिण्यासाठी तो घरातील काही वस्तूदेखील विकत होता. दारू पिण्यासाठी पैसे नाही दिले तर तो आपल्या आई-वडिलांना देखील मारहाण करायचा. सुशीलचा हा त्रास दररोज असायचा. आई सुशीलच्या त्रासाला कंटाळली होती.
माझ्या जीवावर मजा मारली, केस स्ट्रेटनिंग केले! प्रेयसीमुळे कर्जबाजारी तरुणाचं टोकाचं पाऊल
आपल्या पोटी जन्म घेतलेल्या मुलाचा त्रास अखेर सहन न झाल्याने आई शोभाबाईने आपल्या पोटच्या मुलाचा काटा काढण्याचा निर्णय घेतला. सुशीलला संपवण्यासाठी शोभाबाईने तिच्याच घरात राहणाऱ्या भाडेकरूंची मदत घेतली. शोभाबाई यांच्या घरात भाड्याने राहत असलेले राजेश पाटील आणि देवराव भगत हत्या करण्यास तयार झाले. शोभाबाईंनी सुशीलला मारण्यासाठी ६० हजार रुपयांची सुपारी दिली. यातील १० हजार रुपयेदेखील देण्यात आले.

राजेश पाटील आणि देवराव भगत यांनी सुशीलला दारू पिण्यास नेले. सुशीलला दारू पाजून त्याला मारहाण करण्यात आली. या मारहाणीत त्याचा मृत्यू झाला. नांदेड ते भोकर या महामार्गावरील एका झुडूपात सुशीलचा मृतदेह फेकून देण्यात आला. या घटनेची माहिती बारड पोलिसांना मिळाल्यानंतर घटनास्थळी बारड पोलीस पोहोचून पोलिसांनी पंचनामा केला. सुशीलच्या डोक्याला आणि अंगावर मारहाणीच्या जखमा आढळून आल्या.
प्रेयसीला संपवले, मुंडकं, हात गावात लपवले; उर्वरित शरीराचे तुकडे घ्यायला शहरात आला अन्...
पोलिसांनी तपासाची चक्रे फिरविली असता धक्कादायक माहिती समोर आली. आईनेच आपल्या मुलाचा काटा काढल्याचे पोलिसांच्या तपासात समोर आले. आई शोभाबाई श्रीमंगलेसह खून करणाऱ्या राजेश पाटील आणि देवराव भगत याला देखील पोलिसांनी अटक केली आहे. एका व्यसनाधीन मुलाचा आईनेच काटा काढल्याने खळबळ उडाली आहे.