महिलेवर दोघांकडून अत्याचार, दागिनेही हिसकावले, पोलिस तपासात धक्कादायक माहिती समोर

नांदेड: नांदेड जिल्ह्यातील धर्माबाद इथल्या रेल्वे स्टेशनजवळ एका महिलेवर दोघांनी अत्याचार केलाय. रेल्वे स्टेशनवर एकट्या महिलेला बघून आरोपींनी तिच्याकडील दागिनेही हिसकावले त्याचबरोबर तिच्यावर अत्याचार केले. या प्रकरणातील पीडितेची आणि आरोपींची ओळख होती. त्याच ओळखीचा गैरफायदा आरोपीने घेतल्याचे पोलिस तपासात उघड झालंय.

सविस्तर माहिती अशी की, धर्माबाद रेल्वे स्टेशनच्या प्लॉटफार्मवर थांबलेल्या महिलेला एकटी पाहून दोघांनी गोड बोलत तिला निर्जनस्थळी नेले, त्या नंतर आरोपीनी तिच्याकडे असलेले 75 हजारांचे दागिने धाक दाखवत हिसकावून घेतले. त्याचबरोबर दोन्ही आरोपींनी महिलेवर शारीरिक अत्याचार केलेयत.

या प्रकरणी महिलेच्या तक्रारीवरून रेल्वे पोलिसांनी गुन्हा दाखल करत दोन आरोपीना अटक केलीय. सध्या या प्रकरणाचा रितसर तपास सुरू असून यावर तूर्तास बोलण्यास रेल्वे पोलिसांनी नकार दिलाय.

मात्र, धर्माबाद रेल्वेस्टेशनच्या अगदी बाजूलाच दिवसाढवळ्या हा प्रकार घडल्याने खळबळ उडालीय. या प्रकरणातील पीडित आणि आरोपींची ओळख होती त्याच ओळखीचा गैरफायदा आरोपीने घेतल्याचे पोलिस तपासात उघड झालंय.