नांदेडच्या पोलिस कर्मचाऱ्याला निवृत्तीनंतर वर्दी घालण्याची परवानगी; कारण वाचून कराल कौतुक

नांदेड: सेवानिवृत्तीनंतर कर्मचारी आपल्या कामातून मुक्त होतो, पण कामातून मुक्त झालो तरी कर्तव्यातून मुक्त झालो नाही या भावनेतून एक सेवानिवृत्त वाहतूक पोलीस कर्मचारी दररोज वाहतूक सुरळीत करण्याचे काम करत आहे. शेख अब्दुल शेख अमीर असं या सेवानिवृत्त कर्मचाऱ्याचे नाव आहे. शेख अब्दुल शेख अमीर हे पोलीस दलात कार्यरत होते. अनेक वर्ष त्यांनी नांदेडच्या वाहतूक विभागात आपली सेवा बजावली. २०२० साली ते सेवानिवृत्त झाले.

ऊन असो किंवा पाऊस याची तमा न बाळगता वाहतूक सुरळीत करण्यासाठी नेहमी तत्पर रहतात. ड्युटीवर असताना कधी एक क्षणही खाली न बसणारा इमानदार कर्मचारी म्हणून ते नांदेड शहरात प्रसिद्ध देखील आहेत. तीन वर्षांपूर्वी सेवानिवृत्त झाले असले तरी शेख अब्दुल दररोज न चुकता दररोज नांदेडच्या रस्त्यांवर वाहतूक सुरळीत करण्याचे काम करत आहेत. विशेष म्हणजे कुठलाही मोबदला न घेता ते दररोज अडीच ते तीन तास वाहतूक पोलीस म्हणून ते काम करतात.

इसी वाँगने इतिहास घडवला, WPLमध्ये पहिल्या हॅटट्रिकची नोंद; मुंबई इंडियन्सची फायनलमध्ये धडक
जिथे वाहतुकीची अडचण असेल त्या ठिकाणी दररोज आपली सेवा बजावत असतात. त्यांची सेवाभाव वृत्ती पाहून त्यांना सेवानिवृत्ती नंतरही वाहतूक शाखेची वर्दी घालण्याची परवानगी देण्यात आली आहे. माणूस काम करून कधीच मरत नाही तर काम न केल्याने माणूस मरतो, त्यामुळे प्रत्येकाने अंगात शक्ती आहे तोपर्यंत कर्तव्य पार पाडावे, असा संदेश शेख अब्दुल यांनी दिलाय.


शेख अब्दुल सारखेच इतरांनी विनामूल्य सेवा दिल्यास वाहतूक विभागवरील बराच ताण कमी होऊ शकतो. तसेच शहरातील वाहतूक सुरळीत होण्यासाठी मदत देखील मिळेल. शेख अमीर हे पोलीस दलाच्या पेट्रोल पंप वर ही दररोज तीन ते चार तास निशुल्क सेवा देखील देत असतात. या अवलिया कर्मचाऱ्याच्या सेवेचे सर्व स्तरातून कौतुक देखील होत आहे.