शिवसेनेचे १० खासदार भाजपच्या संपर्कात, भाजपच्या बड्या नेत्याच्या दाव्यामुळे राजकीय खळबळ

नांदेड : एकनाथ शिंदे यांच्या बंडानंतर सध्या संपूर्ण राजकीय वातावरण ढवळून निघालं आहे. अशात शिवसेनेचे नांदेड उत्तरचे बंडखोर आमदार बालाजी कल्याणकर यांच्या केसालाही हात लावायची कोणाची हिम्मत नाही. कल्याणकर हे भाजप-शिवसेना युतीचे आमदार आहेत. त्यांना आमदार बनविण्यात भाजपाने जीवाचे रान केले आहे. त्यामुळे आमदार कल्याणकर यांच्या केसालाही हात लावण्याची हिम्मत कोणाची नाही, असा इशारा खासदार प्रताप पाटील चिखलीकर यांनी दिला आहे.

याच बरोबर शिवसेनेचे १० खासदार भाजपाच्या संपर्कात असल्याचा दावा देखील खासदार प्रताप पाटील चिखलीकर यांनी केला आहे. मंत्री एकनाथ शिंदे यांनी बंड केल्यानंतर एकनाथ शिंदे यांच्या गटात अनेक आमदार सामील झाले आहेत. त्यात नांदेड उत्तरचे आमदार बालाजी कल्याणकर हे देखील सामील झाले आहेत. कल्याणकर यांनी बंडखोरी केल्याने त्यांच्या विरोधात नांदेड जिल्ह्यातील शिवसैनिक आक्रमक झाले आहेत.

'ये अभी ट्रेलर है पिक्चर अभी बाकी है' पुण्यानंतर तानाजी सावंत यांचं आणखी एक कार्यालय फोडलं
कल्याणकर यांना शिवसैनिक धमक्या देत असल्याची माहिती समोर आली असताना आता भाजपाचे खासदार प्रताप पाटील चिखलीकर हे बंडखोर आमदार बालाजी कल्याणकर यांच्या साठी समोर आले आहेत.